कुलमानलाई सामाजिक सञ्जालले नियुक्त गरेको होला, सरकारले छैन: मन्त्री खतिवडा

सरकारका प्रवक्ता एवम् अर्थ एवं सूचना तथा संचार प्रविधिमन्त्री युवराज खतिवडाले नेपाल विद्युत प्राधिकरणको कार्यकारी निर्देशकमा कुलमान घिसिङलाई पुनर्नियुक्ति दिनेबारे मन्त्रिपरिषद् बैठकमा कुनै छलफल नभएको बताएका छन् । उनले सामाजिक संजालमा आएका खबरबारे सरकारलाई जानकारी नभएको पनि बताए ।

बिहिबार सरकारले गरेका निर्णयहरु सार्वजनिक गर्न आयोजित पत्रकार सम्मेलनमा मन्त्री खतिवडाले , उहाँलाई सामाजिक संजालले नै नियुक्त दिएको होला, सरकारले दिएको छैन । सामाजिक संजालले दिएको नियुक्ति सरकारलाई थाहा हुने कुरा भएन ।

उनले भने,औपचारिक प्रस्ताव पनि थिएन । त्यस सम्बन्धि छलफल पनि केही भएको छैन । सामाजिक संजालमा आएका कुरा र केही संचारमाध्यममा आएका कुरामा सत्यता नभएको उनको भनाइ थियो ।