न्यूज अपडेट
पछिल्लो २४ घण्टामा देशभर ३७० जना व्यक्ति कोरोना संक्रमणमुक्त भई डिस्चार्ज भएका छन्।
कोरोना विशेष अस्पताल दाङबाट एक महिला र ५ पुरुष गरी ६ जना, प्रादेशिक अस्पताल सुर्खेतबाट ४ महिला र २ पुरुष गरी ६ जना , कालिकोट अस्पतालबाट २ महिला र २६ पुरुष गरी २८ जना, दैलेख अस्पतालबाट १९ महिला र २४६ पुरुष गरी २६५ जना, सल्यान अस्पतालबाट एक महिला र ३६ पुरुष गरी ३७ जना, नारायणी अस्पताल वीरगञ्जबाट २ महिला र ९ पुरुष गरी ११ जना , धादिङ अस्पतालबाट ४ महिला र १३ पुरुष गरी १७ जना डिस्चार्ज भएका छन्।
सोमबार ३२ महिला र २३८ पुरुष गरी ३७० जना व्यक्तिहरु संक्रमणमुक्त भई डिस्चार्ज भएका हुन्।
योसँगै देशभरबाट हालसम्म दुई हजार १४२ व्यक्ति डिस्चार्ज भएका छन्। १६१ महिला र एक हजार ९६१ पुरुष छन्।
आज देशभर ५३५ जना नयाँ संक्रमित थपिएका छन्। यो सँगै देशभर कुल संक्रमितको संख्या ९ हजार ५६१ पुगेको छ। जसमध्ये २३ संक्रमितको मृत्यु भएको छ।