न्यूज अपडेट
काठमाडौं, २५ जेठ
काठमाडौंको महाजगञ्जस्थित नेपाल प्रहरी अस्पतालमा तीन जना कोरोना संक्रमित फेला परेपछि अस्पताल सिल गरिएको छ । शनिबार काठमाडौंमा चार जना कोरोना संक्रमित फेला परेका थिए । जसमध्ये तीन जना प्रहरी अस्पतालमा उपचाररत बिरामी रहेका थिए ।
अहिले अस्पतालमा सङ्क्रमितको सम्पर्कमा आएका ३० जना चिकित्सक र नर्सलाई क्वारेन्टिनमा राखिएको नेपाल प्रहरी अस्पतालले जनाएको छ ।
अस्पतालका अनुसार अहिले अस्पताललाई डिसइन्फेक्ट गरेर सञ्चालनमा ल्याइने बताइन् । अहिले दुई जनालाई सशस्त्र प्रहरीको बलम्बुस्थित कोरोना विशेष अस्पतालमा लगिएको छ ।
बाँकी एक जनालाई भने त्रिवि शिक्षण अस्पताल टिचिङ अस्पताल लगिएको छ ।