न्यूज अपडेट
काठमाडौं, ३२ जेठ
थप ५२ जनामा कोरोना संक्रमण पुष्टि भएको छ। नयाँ संक्रमित कर्णाली प्रदेशमा पुष्टि भएको हो।
कर्णाली प्रदेश स्वास्थ्य सेवा महाशाखाद्वारा आइतबार १:४५ बजे जारी सूचना अनुसार सो प्रदेशमा थप ५२ जनामा संक्रमण पुष्टि भएको हो।
नयाँ संक्रमित दैलेख र सुर्खेतका हुन्। दैलेखका ३७ र सुर्खेतका १५ जनामा संक्रमण पुष्टि भएको हो। नयाँ संक्रमितमा एक जना महिला हुन् भने बाँकी पुरुष हुन्।
योसँगै कर्णाली प्रदेशमा संक्रमण पुष्टि हुनेको संख्या ९ सय ६७ पुगेको छ। नेपालभर भने ५ हजार ४ सय ५३ पुगेको छ।
