न्यूज अपडेट
काठमाडाैं, ९ असाेज
त्रिवि चिकित्साशास्त्र अध्ययन संस्थान, शिक्षण अस्पताल महाराजगञ्जमा कार्तिक १ गतेदेखि स्वास्थ्य बीमा कार्यक्रम लागू हुने भएको छ।
स्वास्थ्य बीमा बोर्डका निमित्त कार्यकारी निर्देशक डा राधिका थपलियाले शिक्षण अस्पताल र बोर्डबीच आज सम्झौता भएको जानकारी दिँदै कार्तिक १ गतेदेखि कर्यक्रम लागू हुने बताइन्।
उक्त सम्झौतामा बोर्डका तर्फबाट निमित्त कार्यकारी निर्देशक डा राधिका थपलिया, उपसचिव कृष्णप्रसाद आचार्य र अस्पतालका तर्फबाट कार्यकारी निर्देशक प्राडा दिनेश काफ्ले र अस्पतालका योजना शाखा प्रमुख दिपक तिवारीले सम्झौता पत्रमा हस्ताक्षर गरेका छन्।हालसम्म शिक्षण अस्पतालम स्वास्थ्य बीमा कार्यक्रम लागू भएको थिएन।
हालसम्म देशभरका ३ सय ४९ अस्पताल र स्वास्थ्य संस्थामा स्वास्थ्य बीमा कार्यक्रम लागू भएको छ। हालसम्म देशभर ३१ लाख ५० हजार ७ सय ८४ जना व्यक्ति बिमित छन्।
