न्यूज अपडेट
काठमाडाैं, ४ असाेज
देशभर संक्रमितको संख्या बढेसँगै होम आइसोलेसन बस्नेको संख्या पनि बढ्दै गएको छ।
आइतबार १७ हजार ४ सय ७८ जना संक्रिय संक्रमित मध्ये ८ हजार ४ सय ७ जना होम आइसोलेसनमा रहेको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार सबै भन्दा धेरै बागमती प्रदेशमा ४ हजार ६ सय १ जना होम आइसोलेसनमा छन्।
त्यस्तै, प्रदेश १ मा १ हजार २ सय ८९, प्रदेश २ मा ९ सय ९८, प्रदेश ५मा ७ सय ५६, सुदूरपश्चिम प्रदेशमा २४३, गण्डकी प्रदेशमा ३१६ र कर्णाली प्रदेशमा २०४ जना होम आइसोलेसनमा रहेको मन्त्रालयले जनाएको छ।
