न्यूज अपडेट
काठमाडाैं, २० भदाै
पछिल्लो २४ घन्टामा देशभर १ हजार ५ सय ६६ जना व्यक्ति कोरोना संक्रमणमुक्त भएका छन्।
यो सहित कुल डिस्चार्ज हुनेको संख्या २७ हजार १ सय २७ पुगेको छ।
पछिल्लो २४ घन्टामा नेपालमा थप १०४१ जनामा कोरोना भाइरसको संक्रमण देखिएको छ।
२४ घन्टामा देशका विभिन्न प्रयोगशालामा गरिएको परीक्षणका क्रममा यी व्यक्तिमा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएका हुन्। यो सहित नेपालमा कोरोना संक्रमित हुने को संख्या ४५ हजार २७७ जना पुगेको छ।
शनिबार काठमाडौंमा ३२६, ललितपुरमा ३७ र भक्तपुरमा ४५ संक्रमित थपिएका छन्।
