न्यूज अपडेट
काठमाडाैं, १७ भदाै
कोरोना संक्रमितको संख्या बढेसँगै आइसियुमा र भेन्टिलेटरमा उपचार गर्नेको संख्या पनि बढ्न थालेको छ।
स्वास्थ्य तथा जनसंख्या मन्त्रालयका अनुसार बुधबार देशभर १ सय ६२ जना कोरोना संक्रमित विभिन्न अस्पतालको आइसियु र भेन्टिलेटरमा उपचाररत छन्।
मन्त्रालयको तथ्यांक अनुसार १८ जना भेन्टिलेटरमा र १४४ जना संक्रमित आइसियुमा उपचाररत रहेका छन्।
सबैभन्दा बढी बागमती प्रदेशमा ८१ जना आइसियुमा र १४ जना भेन्टिलेटरमा छन्। त्यस्तै प्रदेश १ मा ७ जना आइसियु र १ जना भेन्टिलेटरमा छन्।
मन्त्रालयको तथ्यांक अनुसार प्रदेश २ मा ३०, प्रदेश ५ मा २० आइसियु र ३ जना भेन्टिलेटरमा र गण्डकी प्रदेशमा ६ संक्रमित आइसियुमा उपचाररत छन्।
