न्यूज अपडेट
भक्तपुर, १० भदाै
मङ्गलबार भक्तपुर जिल्लाका १३ जना सर्वसाधारणमा कोभिड–१९ को सङ्क्रमण पुष्टि भएको जिल्ला स्वास्थ्य कार्यालय भक्तपुरबाट जानकारी प्राप्त भएको छ । सङ्क्रमित १३ जनामध्ये ११ जना मध्यपुर थिमि नगरपालिका र २ जना सुर्यबिनायक नपाका बासिन्दा छन् ।
प्राप्त जानकारीअनुसार मध्यपुर थिमि नपा सानोठिमीका ९ वर्षका एक बालक तथा २१ र ३६ वर्षका पुरुषमा सङ्क्रमण पुष्टि भएको छ । त्यस्तै मध्यपुर थिमि नपा वडा नं ३ का ३७ वर्षका पुरुष, लोकन्थलीका ५८ वर्षका महिला, मध्यपुर थिमि नपा वडा नं ५ का ३० वर्षका पुरुष, मथिनपा ९ वडाका २३ र ५० वर्षका पुरुष, कौशलटारका ६६ वर्षका पुरुष, मध्यपुर थिमिकै ३७ का पुरुष र ४० वर्षका महिला पनि संक्रमित भएको जिल्ला स्वास्थ्य कार्यालय भक्तपुरले जानकारी दिएको छ ।
त्यस्तै सुर्यबिनायक नपा सिरुटारका २७ वर्षकी महिला र ३३ वर्षका एक पुरुषमा पनि संक्रमण पुष्टि भएको छ ।
