न्यूज अपडेट
काठमाडाैं, २५ साउन
आइतबार काठमाडौं उपत्यकामा ९२ जना कोरोना संक्रमित थपिएका छन्। यो हालसम्मकै उच्च संख्या हो। आइतबार काठमाडौंमा मात्र ९० र ललितपुरमा २ जना संक्रमित देखिएका छन्।
आजको सहित काठमाडौं उपत्यकामा कुल संक्रमितको संख्या ११३६ पुगेको छ। काठमाडौंमा ९१२, ललितपुरमा १३९ र भक्तपुरमा ८५ संक्रमित पुष्टि भएका छन्।
आइतबार देशभर ३८० संक्रमित थपिएका छन्। योसँगै कूल संक्रमितको संख्या २२ हजार ९ सय ७२ पुगेको छ। भने ४० जना संक्रमित निको भएका छन्। निको हुनेहरुको संख्या शुक्रबार १६ हजार ३ सय ५३ पुगेको छ।
आज थप एक जना कोरोना संक्रमितको मृत्यु भएको स्वास्थ्य मन्त्रालयले जनाएको छ। यो सँगै नेपालमा मृतक संक्रमितको संख्या ७५ पुगेको छ।
