न्यूज अपडेट
ललितपुर, २३ असार
गुरु पूर्णिमाको अवसर पारी ललितपुरको अक्षयेश्वर महाबिहारमा आयोजित एक समारोह बीच निर्देशक सुरेश खड्गीले नयाँ नेपालभाषा चलचित्र झीगु कर्म निर्माण गर्ने घोषणा गरेको छ । विभिन्न खाले नेपालभाषाको चलचित्र बनाएका उनले नाट्येश्वर फिल्मस्को ब्यानरमा नयाँ नेपालभाषाको चलचित्र झीगु कर्म बनाउने तयारी गरेको हो । सुरेश खड्गीको कथामा तयार हुने सो चलचित्रमा धनी र गरिब बर्ग बीच देखिने द्धन्द्ध तथा सम्पत्ति विनाशको कथालाई उजागर गरेको छ ।
सनमकुमार श्रेष्ठले पटकथा तयार गरेको सो चलचित्रमा सुरज ब्यञ्जनकार, सुरज नापित, प्रभातकुमार ख्येँ, शशीकला मानन्धरलगायतले अभिनय गर्ने भएको छ । अर्कोतिर नाट्यश्वर फिल्मस्को तर्फबाटै आधी घण्टाको नेपाली भाषाको छोटो चलचित्र निर्माण गर्ने घोषणा भएको छ । सो घोषणा अनुसार सुरज नापित, आराध्यलक्ष्मी खड्गी, जुनु प्रजापतिले अभिनय गर्ने भएको छ । सुजन श्रेष्ठ निर्माता भएर अमर चित्रकारले क्यामेराम्यानको जिम्मेवारी पाएको सो चलचित्रको घोषणा पनि गुरुपूर्णिमा पारी गरिएको हो । कार्यक्रममा आगामी साउनदेखि सुटिङ कार्य अगाडि बढाइने जानकारी दिइएको थियो । कार्यक्रममा आफ्ना गुरुहरु विजयरत्न असंबरे, शंखर खड्गी र रवीन्द्र शाहीलाई पनि सम्मान गरेको थियो ।
