न्यूज अपडेट
काठमाडाैं, १६ भदाै
कोरोना संक्रमितको संख्या बढेसँगै आइसियुमा र भेन्टिलेटरमा उपचार गर्नेको संख्या पनि बढ्न थालेको छ।
स्वास्थ्य तथा जनसंख्या मन्त्रालयका अनुसार मंगलबार देशभर १ सय ४४ जना कोरोना संक्रमित विभिन्न अस्पतालको आइसियु र भेन्टिलेटरमा उपचाररत छन्।
मन्त्रालयको तथ्यांक अनुसार १७ जना भेन्टिलेटरमा र १२७ जना संक्रमित आइसियुमा उपचाररत रहेका छन्।
आइसियुमा रहेका संक्रमितको संख्या सबैभन्दा बढी बागमती प्रदेशमा ७५ जना आइसियु र १४ जना भेन्टिलेटरमा रहेका छन् । त्यस्तै प्रदेश १ मा ४ जना आइसियुमा रहेका छन्।
मन्त्रालयको तथ्यांक अनुसार प्रदेश २ मा २९, प्रदेश ५ मा १३ आइसियु र ३ जना भेन्टिलेटरमा, र गण्डकी प्रदेशमा ६ संक्रमित आइसियुमा उपचाररत रहेका छन्।