न्यूज अपडेट
काठमाडाैं, ६ भदाै
कोरोना संक्रमितको संख्या थपिएसँगै अस्पताल र होम आइसोलेसन बस्नेको संख्या पनि बढ्दै गएको छ। स्वास्थ्य तथा जनसंख्या मंन्त्रालयका अनुसार शनिबार देशभर ३ हजार ९ सय १६ जना संक्रमित होम आइसोलेसनमा छन्।
मन्त्रालयका अनुसार सबै भन्दा बढी प्रदेश २ मा ३ हजार १ सय ८२ जना होम आइसोलेसनमा छन्।
त्यस्तै प्रदेश ५ मा २८६, प्रदेश १ मा २६६, बागमती प्रदेशमा १११, गण्डकी प्रदेशमा २७, सुदूरपश्चिम प्रदेशमा २६ र सबै भन्दा थोरै कर्णाली प्रदेशमा १८ जना होम आइसोलेसनमा रहेको मन्त्रालयको तथ्यांक रहेको छ।
होम आइसोलेनसमा बस्नेको संख्या शुक्रबार ३ हजार ५ सय ८६, बिहीबार ३ हजार ४ सय ७२ जना र बुधबार ३ हजार १ सय ३१ जना थियो।
