न्यूज अपडेट
काठमाडाैं, १२ साउन
सत्तारुढ दल नेपाल कम्युनिष्ट पार्टी (नेकपा)को विवाद चुलिदै गएको छ । सत्तारुढ दल भित्र प्रधानमन्त्री केपी शर्मा ओली विरुद्ध मोर्चाबन्दीका साथ अघि बढ्न अध्यक्ष प्रचण्ड सहितका चार नेता सहमत भएका छन् ।
सोमबार प्रचण्ड निवास खुमलटारमा भएको छलफलमा अध्यक्ष पुष्पकमल दाहाल,सचिवालयका वरिष्ठ नेताहरू माधवकुमार नेपाल, झलनाथ खनाल र नारायणकाजी श्रेष्ठबीच गाोप्य छलफल भएको छ ।
छलफल जारी नेकपा स्थायी कमिटी बैठक रोक्न ओलीले प्रयास गरिरहेकाले त्यस विरुद्ध मोर्चाबन्दीका साथ अघि बढ्ने सहमति गरेका छन् । दुई घण्टा लामो बैठकले मंगलबारका लागि तय गरिएको स्थायी कमिटी बैठक अर्का अध्यक्ष ओलीले स्थगन गर्न खोजेमा अर्का अध्यक्ष दाहालले निरन्तरता दिने सहमति भएको बैठकमा सहभागी एक नेताले जानकारी दिए ।
यहि सााउन ६ गते केहि समय बसेर १३ गते सम्मका लागि स्थगन गरेको बैठक भोलिका लागि बोलाइएको छ । अविरल वर्षासँगै आएको बाढी र प्राकृतिक प्रकोपको राहत तथा उद्धारका कार्यमा लाग्ने भन्दै बैठक स्थगित गरिएको थियाो ।
स्थायी कमिटी बैठकमा प्रधानमन्त्री ओलीले दुवै पदबाट राजीनामा दिनु पर्ने माग आएसँगै ओलीले राजीनामा नदिनने अडान कसेका छन । त्यस्तै ओली स्थायी कमिटी बैठकमा उपस्थिति भएका छैनन् ।
