न्यूज अपडेट
काठमाडाैं, १२ साउन
सोमबार काठमाडौं र ललितपुरमा ६ जनामा कोरोना भाइरसको संक्रमण देखिएको छ।
स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा मन्त्रालयका प्रवक्ता डा जागेश्वर गौतमले काठमाडौँमा ३ र ललितपुरमा ३ जना गरी ६ जना संक्रमित थपिएको जानकारी दिए।
हालसम्म काठमाडौंँमा संक्रमित हुनेको संख्या २ सय ८८ र ललितपुरमा ८६ पुगेको छ।
काठमाडौं उपत्यका सहित पछिल्लो २४ घण्टामा देशका विभिन्न प्रयोगशालामा गरिएको परीक्षणका क्रममा थप १ सय ३९ जनामा कोरोना भाइरसको संक्रमण पोजेटिभ देखिएको हो। नेपालमा संक्रमितको संख्या १८ हजार ७ सय ५२ पुगेको छ।
पछिल्लो २४ घण्टामा थप ६ सय २६ जना उपचारपछि डिस्चार्ज भएका छन्। यो सहित डिस्चार्ज हुनेको संख्या १३ हजार ७ सय ५४ पुगेको छ।
