न्यूज अपडेट
चितवन, ११ चैत
भरतपुरस्थित कोरोना विशेष अस्पतालको आइसोलेसन वार्डमा उपचाररत एक युवकको मृत्यु भएको छ। भाइरस संक्रमणको लक्षण देखिएपछि अस्पताल भर्ना भएका ३० वर्षीय युवकको आज बिहान मृत्यु भएको अस्पतालका प्रमुख डा भोजराज अधिकारीले जानकारी दिए।
मिर्गौला रोगी समेत रहेका ती युवकको आइसीयुमा उपचार भइरहेको थियो।
आइसोलेन वार्डमा उपचाररत् उनको मृत्युको कारण भने खुल्न सकेको छैन। उनको स्वाव काठमाडौं पठाइएको छ। स्वाव परीक्षणपछि मात्रै उनमा कोरोनाको संक्रमण भएनभएको भन्ने खुल्नेछ।
