न्यूज अपडेट
भक्तपुर, ११ चैत
सरकारले कोरोना संक्रमणलाई नियन्त्रण गर्न चैत ११ देखि १७ गतेसम्म गरेको लकडाउन कडाइका साथ लागू गरेको छ । भक्तपुरका चोक चोकमा प्रहरी, टाफिक र सशस्त्र प्रहरीबाट यसको अनुगमन गरिरहेको छ । तर चितवनमा भने लकडाउनको उलंघन गर्ने १० जनालाई भने पक्राउ गरेको छ । पक्राउमा पर्नेहरु लकडाउन कार्यविधिअनुसार ६ महिनासम्म र ६ सय रुपैयाँ वा दुवै सजाय दिनसक्ने व्यवस्था गरेको छ ।
लकडाउन हामी आफैका लागि सुरक्षित गर्न अपनाउने भएकाले यसको कार्यान्वयन हामी आफै गर्नुपर्ने नियमनकारीहरु बताउँछन् । भक्तपुरमा धेरै ठाउँमा सुनसान देखिएपनि कतिपय मानिस बाहिरै हिड्डुल गरेको पाइन्छ । प्रहरीले भने ती मानिसलाई माक्सको प्रयोग गर्न जोड दिएका छन् । साथै यस्तो अवस्थामा बाहिर ननिस्कन सुझाएका छन् ।
कोरोना भाइरसको जोखिमसँग जुध्न सरकारले मंगलबारदेखि लागू गरेको एकहप्ते लकडाउन उल्लंघन गर्ने १० जना चितवनबाट पक्राउ परेका छन् । लकडाउनको अवज्ञा गर्दै बिनाकामकाज घरबाट बाहिर निस्किएका ती व्यक्तिहरूलाई नारायणगढ बजारक्षेत्र र पूर्वी चितवनको टाँडीबाट नियन्त्रणमा लिइएको जिल्ला प्रहरी कार्यालय, चितवनका प्रमुख एसपी नान्तीराज गुरुङले जानकारी दिए ।
लकडाउनको समयमा विनाकाम घरबाट बाहिर निस्किनेलाई पक्राउ गरिने उनले बताए । अत्यावश्यक काम भएकाले भने त्यसबारे जानकारी गराएर हिँड्डुल गर्न सक्ने उनले जानकारी दिए ।
