न्यूज अपडेट
काठमाडाैं, १० भदाै
पछिल्लो २४ घन्टामा काठमाडौं उपत्यकामा ३०१ जनामा कोरोना संक्रमण भेटिएको छ। योसँगै उपत्यकामा कोरोना भाइरसबाट संक्रमित हुनेको संख्या ४ हजार २० पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले बताएका छन्।
बुधबार काठमाडौंमा २३०, ललितपुरमा ४७ र भक्तपुरमा २४ जना संक्रमित थपिएको मन्त्रालयले जनाएको छ। काठमाडौं उपत्यकामा एकै दिन संक्रमित हुनेको संख्या यो अहिलेसम्मकै बढी हो।
आज देशभर ८८५ नयाँ संक्रमित थपिएका छन्। देशभर हालसम्म ३४ हजार ४ सय १८ पुगेको छ।
२४ घन्टायता ३८५ जना संक्रमित संक्रमणमुक्त भएका छन्। योसँग नेपालमा डिस्चार्ज हुने संक्रमितको संख्या जना डिस्चार्ज भएसँगै १९ हजार ५०४ पुगेको मन्त्रालयले जनाएको छ।
