न्यूज अपडेट
काठमाडाै. २ साउन
पछिल्लो २४ घण्टामा काठमाडौं उपत्यकामा थप ३ जनामा संक्रमण देखिएको छ। शुक्रबार काठमाडौंमा एक जना र भक्तपुरमा २ जना व्यक्तिमा कोरोना संक्रमण देखिएको हो।
योसँगै उपत्यकामा ३६९ जनामा कोरोना संक्रमण पुष्टि भएको छ। जसमा काठमाडौंमा २४६, भक्तपुरमा ४७ र ललितपुरमा ७६ देखिएको छ।
शुक्रबार देशभर १०१ जना नयाँ कोरोना संक्रमित थपिएका छन्। योसँगै कूल संक्रमितको संख्या १७ हजार ४४५ पुगेको छ। शुक्रबार २८५ जना संक्रमणमुक्त भई डिस्चार्ज भएका छन्। हालसम्म ११ हजार ५३४ जना व्यक्ति संक्रमणमुक्त भईसकेका छन्। ४० संक्रमितको भने मृत्यु भएको छ।