न्यूज अपडेट
काठमाडाैं, ३१ असार
विश्वभर कोरोना संक्रमण पुष्टि हुनेको संख्या एक करोड ३२ लाख नाघेको छ। बुधबार बिहानसम्म जोन हप्किन्स विश्वविद्यालयले प्रकाशित गरेको तथ्यांक अनुसार विश्वभर १ करोड ३२ लाख ८४ हजार २ सय ९२ जना मानिस संक्रमित भएको तथ्यांक रहेको छ।
संक्रमण पुष्टि हुनेको संख्या अमेरिकामा सर्वाधिक छ। अमेरिकामका संक्रमितको संख्या ३४ लाख २८ हजार ५ सय ५३ पुगेको छ। त्यस्तै ब्राजिलमा १९ लाख २६ हजार ८ सय २४ , भारतमा ९ लाख ६ हजार ७ सय ५२ र रुसमा ७ लाख ३८ हजार ७ सय ८७ जनामा संक्रमण पुष्टि भएको तथ्यांक रहेको छ।
त्यस्तै विश्वभर मृत्यु हुने कोरोना संक्रमितको संख्या ५ लाख ७७ हजार नाघेको छ। पछिल्लो तथ्यांक अनुसार ५ लाख ७७ हजार ८ सय ४३ जनाको मृत्यु भएको तथ्यांकमा उल्लेख गरिएको छ।
अमेरिकामा १ लाख ३६ हजार ४ सय ३०, ब्राजिलमा ७४ हजार १ सय ३३ , बेलायतमा ४५ हजार ५३, मेक्सीकोमा ३६ हजार ३ सय २७, इटालीमा ३४ हजार ९ सय ८४ जनाको मृत्यु भएको छ।
विश्वभर ७३ लाख ७३ हजार ७ सय ८२ जना संक्रमणमुक्त भएका छन्। संक्रमणमुक्त हुनेको संख्या ब्राजिलमा सर्वाधिक रहेको छ।
बुधबार बिहानसम्मको तथ्यांक अनुसार ब्राजिलमा १३ लाख २३ हजार ४ सय २५, अमेरिकामा १० लाख ४९ हजार ९८, रुसमा ५ लाख ११ हजार ९ सय ५८जना संक्रमणमुक्त भएका छन्।
नेपालमा पनि १७ हजार ६१ जनामा कोरोना संक्रमण पुष्टि भएको छ। तीमध्ये १० हजार ३ सय २८ जना संक्रमणमुक्त भएका छन् भने ३८ जनाको मृत्यु भएको छ।
भारतमा संक्रमितको संख्या ९ लाख ६ हजार ७ सय ५२ पुगेको छ। भारतमा कोरोना संक्रमणपछि मृत्यु हुनेको संख्या २३ हजार ७ सय २७ पुगेको छ। भारतमा हालसम्म ५ लाख ७१ हजार ४ सय ६० संक्रमित संक्रमणमुक्त भएका छन्।
पाकिस्तानमा हालसम्म २ लाख ५३ हजार ६ सय ४ जना संक्रमित भएका छन्। संक्रमितमध्ये पाकिस्तानमा ५ हजार ३ सय २० जनाको मृत्यु भएको छ। पाकिस्तानमा हालसम्म १ लाख ७० हजार ६ सय ५६ जना उपचारपछि निको भएका छन्।
श्रीलंकामा संक्रमितको संख्या २ हजार ६ सय ६५ रहेको छ। संक्रमणपछि मृत्यु हुनेको संख्या ११ छ भने निको हुनेको संख्या १ हजार ९ सय ८८ छ।
बंगलादेशमा कोरोना संक्रमितको संख्या १ लाख ९० हजार ६७ पुगेको छ। बंगलादेशमा हालसम्म २ हजार ४ सय २४ जनाको मृत्यु भएको छ। उपचारपछि निको हुनेको संख्या बंगलादेशमा १ लाख ३ हजार २ सय २७ छ।
अफगानिस्तानमा संक्रमितको संख्या ३४ हजार ७ सय ४० पुगेको छ। अफगानिस्तानमा १ हजार ४८ जनाको मृत्यु भइसकेको छ भने २१ हजार ४ सय ५४ उपचारपछि निको भएका छन्।
भुटानमा संक्रमितको संख्या ८४ पुगेको छ। उपचारपछि निको हुनेको संख्या ७८ छ।
माल्दिभ्समा संक्रमितको संख्या २ हजार ८ सय १ रहेको छ। मृत्यु हुनेको संख्या १४ छ भने उपचारपछि निको हुनेको संख्या २ हजार ३ सय २ पुगेको छ ।