न्यूज अपडेट
काठमाडाैं, २६ असार
नेपालमा भारतीय न्युज च्यानेलहरु रोक्ने निर्णय भएको छ।
विदेशी च्यानल वितरक मल्टी सिस्टम अपरेटर एमएसओ हरुले भारतीय न्यूज विहीबारदेखि लागू हुनेगरी बन्द गरेका हुन् ।
भारतीय टिभी च्यानलहरुले नेपालका बारेमा अतिरन्जित र अनर्गल प्रचार गरिरहेको र पछिल्लो समय प्रधानमन्त्री तथा चिनिया राजदूतको नाम जोडेर आपत्तिजनक र भ्रामक प्रचारगरेपछि च्यानल नै बन्द गर्न बाध्य भएको एमएसओले जनाएको छ ।
एमएसओका अनुसार च्यानल रोकेपनि इन्टरनेटको माध्यम मार्फत आउने च्यानेल रोक्न भने नसकिने त्यसका लागि उपयुक्त कानुन बनाएर मात्र सम्भव रहेको बताएका छन् ।
डिसहोम, मेगा म्याक्स, डिएसएन, मेरो टिभीलगायतका अपरेटहरुले सामूहिक रुपमा भारतीय न्यूज च्यानलहरुको प्रसारण बन्द गर्ने निर्णय गरेका हुन् ।
पछिल्लो समयमा भारतीय मिडियाले भ्रामक अतिरञ्जितखालका टिप्पणी गर्दै आएपछि सरकारले गम्भीर रुपमा ध्यानाकर्षण गर्दै आएको थियो । विहीबार मात्र सूचना तथा सञ्चार मन्त्री युवराज खतिवडाले भारतीय सञ्चारमाध्यमको विरुद्धमा राजनीति र कानुनी उपचार खोजिने बताएका छन् ।