न्यूज अपडेट
स्वास्थ्य तथा जनसंख्या मन्त्रालयले कोरोना संक्रमणको न्यूनीकरणका लागि सञ्चारमाध्यमको भूमिका महत्वपूर्ण भएको जनाएको छ।
आइतबारको कोरोना अपडेटको क्रममा स्वास्थ्य मन्त्रालयका प्रवक्ता डाक्टर जागेश्वर गौतमले कोरोना संक्रमण नियन्त्रण र रोकथामका लागि सञ्चारकर्मी र सञ्चारमाध्यमले समाचार, सूचना र सन्देश मार्फत महत्वपूर्ण भूमिका निभाएको बताएका हुन् ।
डा गौतमले कोरोना संक्रमणको दर बढ्दै गएको अवस्थामा सञ्चारमाध्यमको भूमिका झनै महत्वपूर्ण भएको र आमसञ्चारमाध्यमहरुले संवेदनशील भएर खबरदारी गर्नुपर्ने बताए।
समाचार पढ्दा, अन्तर्वार्ता लिंदा वा कुनै पनि कार्यक्रमको समाचार बनाउँदा मास्कको अनिवार्य प्रयोग गर्न डा गौतमको आग्रह छ। उनले मास्कको प्रयोग नगर्ने व्यक्तिहरुको समाचार र सूचनालाई निरुत्साहित गर्न समेत आग्रह गरेको छ ।
