न्यूज अपडेट
कोरोना भाइरसको संक्रमणबाट अमेरकामा मृत्यु हुनेको संख्या ४९ हजार नाघेको छ।
नेपाली समय अनुसार शुक्रबार बिहान ८ः१५ बजेसम्म अमेरिकामा मृत्यु हुनेको संखया ४९ हजार ८ सय ४५ पुगेको हो। अमेरिकामा २४ घण्टामा २ हजार ३ सय २५ जना मानिसको मृत्यु भएको छ।
जोन्स हप्किन्स युनिभर्सिटीको तथ्यांक अनुसार विश्वभर हालसम्म १ लाख ९० हजार ७ सय ४३ जनाको मृत्यु भएको छ। २४ घण्टामा संसारभर ६ हजार भन्दा बढी मानिसको मृत्यु भएको थियो।
इटालीमा मृत्यु हुनेको संख्या २५ हजार ५ सय ४९ पुगेको छ। स्पेनमान २२ हजार १ सय ५७ जनाको मृत्यु भएको छ। युकेमा मृत्यु हुनेको संख्या १८ हजार ७ सय ३८ पुगेको छ।
संसारभर २४ घण्टामा ८५ हजार भन्दा बढी मानिस संक्रमित भएका छन्। यो सँगै विश्वमा २७ लाख ७ हजार ३ सय ५६ जना मानिस संक्रमित भएका छन्।
अमेरिकमा सबै भन्दाबढी मानिस संक्रमित भएका छन्। बिहिबार अमेरिकामा ३१ हजार भन्दा ज्यादा मानिस संक्रमित भएका छन्। यो सँगै अमेरिकामा संक्रमितको संख्या ८ लाख ६७ हजार ४ सय ५९ पुगेको छ।
स्पेनमा संक्रमितको संख्या २ लाख १३ हजार २४ पुगेको छ।
इटालीमा १ लाख ८९ हजार ९ सय ७३ जना मानिस संक्रमित भएका छन्। फ्रान्समा १ लाख ५९ हजार ४ सय ६० जना मानिस संक्रमित भएका छन्।
जर्मनीमा १ लाख ५३ हजार १ सय २९ जना संक्रमित भएका छन्। युकेमा संक्रमितको संख्या १ लाख ३९ हजार २ सय ४६ पुगेको छ ।
संसारभर ७ लाख ३८ हजार २७४ जना बिरामी उपचार पछि निको भएर घर फर्किसकेका छन्।
जर्मनीमा उपचारपछि घर फर्किनेको संख्या १ लाख ३ हजार ३ सय पुगेको छ। स्पेनमा ८९ हजार २ सय ५० जना मानिस निको भएर घर फकिसकेका छन्। अमेरिकामा घर फर्किनेको संख्या ८० हजार ४५ पुगेको छ। चीनमा ७७ हजार ९ सय ३७ जना मानिस उपचार पछि निको भएर घर फर्किसकेका छन्। इरानमा घर फर्किनेको संख्या ६४ हजार ८ सय ४३ पुगेको छ।
इटालीमा ५७ हजार ५ सय ७६ जना निको भएर घर फर्किसकेका छन्।
सार्क देशको अवस्था
भारतमा बिहिबार १ हजार ६ सय भन्दा बढी मानिस संक्रमित भएका छन्। ४० जनाको मृत्यु भएको छ। यो सँगै भारतमा संक्रमितको संख्या २३ हजार ३९ पुगेको छ। ७ सय २१ जनाको मृत्यु भएको छ। ५ हजार १२ जना निको भएर घर फर्किसकेका छन्।
पाकिस्तानमा २४ घण्टामा ९ सय ८१ संक्रमित थपिएका छन्। २३ जनाको मृत्यु भएको छ। यो सँगै पाकिस्तानमा संक्रमितको संख्या ११ हजार ५७ पुगेको छ। २ सय ३५ जनाको मृत्यु भइसकेको छ। २ हजार ३ सय ३७ जना मानिस उपचार पछि निको भएर घर फर्किसकेका छन्।
बंगालादेशमा ४ हजार १ सय ८६ जना मानिस संक्रमित भएका छन्। १ सय २७ जनाको मृत्यु भएको छ। बिहिबार बंगलादेशमा ४ सय १४ जना संक्रमित थपिएका थिए भने ७ जनाको मृत्यु भएको थियो। निको भएर घर फर्किनेको संख्या १ सय ८ पुगेको छ।
अफ्गानीस्तानमा संक्रमितको संख्या १ हजार २ सय ७९ रहेको छ। ४२ जनाको मृत्यु भएको छ। १ सय ७९ जना मानिस उपचार पछि निको भएर घर फर्किसकेका छन्। २४ घण्टामा १ सय ३ जना संक्रमित थपिएका छन् भने २ जनाको मृत्यु भएको तथ्यांक रहेको छ।
श्रीलंकमा ३८ जना संक्रमित थपिएसँगै संक्रमितको संख्या ३ सय ६८ पुगेको छ। १ सय ७ जना निको भएर घर फर्किसकेका छन्।
माल्दिभ्समा बिहिबार २२ संक्रमित थपिएसँगै संक्रमितको संख्या १ सय ८ पुगेको छ। १६ जनाको मृत्यु भएको छ।
नेपालमा बिहिबार ३ जना संक्रमित थपिएसँगै संक्रमितको संख्या ४८ पुगेको छ। १० जना निको भएर घर फर्किसकेका छन्।
भुटानमा ७ जना मानिस संक्रमित भएका छन्। ३ जना निको भएर घर फर्किसकेका छन्।