भक्तपुर, १४ पुस
नेपाल मजदुर किसान पार्टीको जनवर्गीय संगठन नेपाल क्रान्तिकारी युवा संघको भक्तपुर जिल्ला समितिले शनिवार ११औं भक्तपुर जिल्ला सम्मेलन भएको छ । सम्मेलनको उद्घाटन गर्दै नेपाल मजदुर किसान पार्टीका अध्यक्ष नारायणमान विजुक्छे रोहितले सिद्धान्त र विचारबाट युवाहरुलाई प्रशिक्षित र राजनीतिकरुपले संगठित गर्नु पर्नेमा जोड दिए ।
कार्यक्रममा बोल्दै नेमकिपाका सचिव एवं सासद प्रेम सुवालले समाजबाद उन्मुख संविधान निर्माणमा नेमकिपाको भूमिका अविस्मरणीय भएको बताए । कार्यक्रममा नेमकिपाका केन्द्रीय सदस्य अनुराधा थापा मगर, प्रदेश सांसद सुरेन्द्रराज गोसाई लगायतका बक्ताहरुले समाजवादी गणतन्त्र स्थापनाका लागि युवाहरुलाई योग्य र अनुशासित बनाउन शैनिक तालीम दिएर देश र जनताको सार्वभौमिकताको रक्षा तथा देश विकासमा लगाउनुपर्नेमा जोड दिए ।
वैदेशिक रोजगारको नाममा सरकारले मानव तस्करी गरिरहेको भन्दै स्वदेशमै युवाहरुलाई रोजगारी दिनुपर्नेमा जोड दिन्दै सरकारले विकासको नाममा कमिशन र भ्रष्टाचारका गतिविधि गरिरहेकोे आरोप समेत लगाउँदै सहभागी वक्ताहरुले आआफ्ना विचार व्यक्त गरे । विरुवा वसपार्कबाट शुरु भएको र्याली चक्रपाणी चोकमा पुगेपछि सभामा परिणत भएको थियो ।
