भक्तपुर, १३ पुस
लोकगायक बुद्धिकृष्ण लामिछानेको आज निधन भएको छ ।
भक्तपुरको चागुँनारायण नगरपालिका वडा नं. ७ मा बस्दै आएका लामिछानेको शुक्रबार भक्तपुरस्थित उनकै निवासमा ६३ वर्षको उमेरमा निधन भएको हो ।
लामो समयदेखि गायक लामिछाने प्यारालाइसिस, मृगौलालगायतका रोगबाट पीडित थिए ।
स्व. लमिछानेका घाँसै काट्ने खुर्केर, पिँढीमा बसेर मेरै बाटो हेरेर लगायतका लोकगीतहरु चर्चित छन् ।
लामिछानेका २ छोरा रहेका छन् ।
लामिछानेको आजै अन्त्येष्टि गरिने पारिवारिक श्रोतले जनाएको छ ।
