न्यूज अपडेट
काठमाडाैं, २६ कात्तिक
पछिल्लो २४ घण्टामा काठमाडौं उपत्यकामा १ हजार २ सय ६१ जना कोरोना संक्रमित थपिएका छन्।
स्वास्थ्य तथा जनसंख्या मन्त्रालयका अनुसार काठमाडौंमा ९ सय ७६, ललितपुरमा २ सय ४ र भक्तपुरमा ८१ जनालाई कोरोना संक्रमण देखिएको छ।
आज देशभर २ हजार ५ सय ६९ जनालाई कोरोना संक्रमण पुष्टि भएको छ। योसँगै संक्रमितको कूल संख्या २ लाख २ हजार ३ सय २९ पुगेको छ।
२४ घण्टामा १ हजार ६ सय ६६ जना डिस्चार्ज भएका छन्। डिस्चार्ज हुनेको संख्या १ लाख ६२ हजार २ सय ४३ पुगेको छ।
आज देशभर २६ संक्रमितको मृत्यु भएको छ। हालसम्म मृत्यु हुने संक्रमितको संख्या १ हजार १ सय ७४ पुगेको छ।
आज देशभर ३८ हजार ९ सय १२ जना सक्रिय संक्रमित रहेको मन्त्रालयले जनाएको छ।
