काठमाडौं, १ असोज
दक्षिण कोरियाली राष्ट्रपति मुन जाइ इन उत्तर कोरियाली नेता किम जोङ उनसँग शिखर वार्ताका लागि मंगलवार प्योङयाङ पुग्दैछन्। दुर्इ नेताबीच हुन लागेको यो तेस्रो शिखर वार्ता हो। पहिला भएका वार्ताहरु दुर्इ राष्ट्रको सीमामा रहेको पानमुनजोममा भएको थियो।
प्योङयाङमा हुने शिखर बैठकमा पानमुनजोममा दुई नेताबीच सम्पन्न अन्तर कोरियाली शिखर बैठकका सम्झौताको कार्यान्वयनको समीक्षा हुनुका साथै कोरियाली प्रायद्वीपलाई आणविक निशस्त्रीकरण सहित समृद्ध कोरियाली द्वीप बनाउने उपायको खोजी गरिने पनि बताइएको छ। यस्तै उत्तर कोरिया र अमेरिकाबीचको सम्बन्ध र सिंगापुरमा दुर्इ राष्ट्रका नेताहरुबीच भएको सहमति कारे पनि छलफल हुने बताइएको छ।