न्यूज अपडेट
काठमाडाैं, २५ कात्तिक
देशभर लक्षण भएका कोरोना संक्रमितको संख्या बढेसँगै आइसियुमा र भेन्टिलेटरमा उपचार गर्नेको संख्या पनि बढ्न थालेको छ।
स्वास्थ्य तथा जनसंख्या मन्त्रालयका अनुसार देशभर ५ सय जना कोरोना संक्रमित विभिन्न अस्पतालको आइसियु र भेन्टिलेटरमा उपचाररत छन्।
मन्त्रालयको तथ्यांक अनुसार ९६ जना भेन्टिलेटरमा र ४०४ जना संक्रमित आइसियुमा उपचाररत रहेका छन्।
आइसियुमा रहेका संक्रमितको संख्या सबैभन्दा बढी बागमती प्रदेशमा १८४ जना आइसियु र ५८ जना भेन्टिलेटर, लुम्बिनी प्रदेशमा ६२ जना आइसियु र ६ जना भेन्टिलेटरमा, प्रदेश १ मा ४५ जना आइसियु र १५ जना भेन्टिलेटरमा र प्रदेश २ मा १२ आइसियु र २ जना भेन्टिलेटरमा उपचाररत रहेको मन्त्रालयले जनाएको छ।
त्यस्तै सुदुरपश्चिममा १७ आइसियुमा, गण्डकी प्रदेशमा ७६ आइसियु र १५ जना भेन्टिलेटरमा र कर्णाली प्रदेशमा ८ आइसियु उपचाररत रहेका छन्।
यो भन्दा अगाडी सोमबार ४९४, आइतबार ४८०, शनिबार ४४१ जना आइसियु र भेन्टिलेटरमा उपचाररत थिए।
नेपालमा १ लाख ९९ हजार ७ सय ६० जना मानिस कोरोना भाइरसबाट संक्रमित भएका छन्। जसमध्ये १ लाख ६० हजार ५ सय ७७ जना निको भएर घर फर्किसकेका छन् भने १ हजार १ सय ४८ जनाको मृत्यु भएको छ।