बालुवाटारमा पत्रकारलाई प्रवेशमा रोक, सचिवालय बैठक शुरू

प्रधानमन्त्रीको सरकारी निवास बालुवाटारमा पत्रकारलाई प्रवेशमा रोक लगाइएको छ । सत्तारुढ नेपाल कम्युनिस्ट पार्टी (नेकपा) को सचिवालय बैठकको समाचार संकलनका लागि बालुवाटार पुगेका पत्रकारलाई प्रवेशमा रोक लगाइएको हो ।  महामारीका रुपमा फैलिएको कोरोना भाइरस संक्रमणको कारण देखाउँदै बालुवाटार प्रवेशमा रोक लगाइएको पत्रकारहरुले बताएका छन् । उनीहरु पानीमा रुझ्दै प्रधानमन्त्री निवासको प्रवेशद्वारा नजिक उभिएका छन् ।

नेकपाले बोलाएको सचिवालय बैठक बालुवाटारमा शुरु भएको छ ।