न्यूज अपडेट
काठमाडौं, ११ बैशाख
विश्वमा कोरोना भाइरसको संक्रमणबाट मृत्यु हुनेको संख्या १ लाख ८३ हजार नाघेको छ।
नेपाली सयम अनुसार बिहिबार बिहान १०ः४५ बजेसम्म मृत्यु हुनेको संख्या १ लाख ८३ हजार ४ सय २४ पुगेको हो। विश्वभर २४ घण्टामा ६ हजार भन्दा बढी मानिसको मृत्यु भएको तथ्यांक रहेको छ।
अमेरिकामा बुधबार २ हजार ३ सय भन्दा बढी मानिसको मृत्यु भएको छ। योसँगै अमेरिकामा मृत्यु हुनेको संख्या ४६ हजार ७ सय ८४ पुगेको छ।
त्यस्तै इटालीमा मृत्यु हुनेको संख्या २५ हजार ८५ पुगेको छ। स्पेनमा २१ हजार ७ सय १७ जनाको मृत्यु भइसकेको छ।
फ्रान्समा मृत्यु हुनेको संख्या २१ हजार ३ सय ७३ पुगेको छ। युकेमा १८ हजार १ सय ५१ को मृत्यु भइसकेको छ।
२४ घण्टामा संसारभर ७९ हजार भन्दा बढी मानिस संक्रमित भएका छन्।
जोन्स हप्किन्स युनिभर्सिटीको तथ्यांक अनुसार विश्वमा संक्रमितको संख्या २६ लाख २८ हजार ९ सय १६ पुगेको छ।
अमेरिकामा एकै दिनमा २९ हजार भन्दा बढी मानिस संक्रमित भएका छन्। योसँगै अमेरिकामा संक्रमितको संख्या ८ लाख ४२ हजार ६ सय २९ पुगेको छ।
स्पेनमा २ लाख ८ हजार ३ सय ८९ जना संक्रमित भएका छन्। इटालीमा संक्रमितको संख्या १ लाख ८७ हजार ३ सय २७ पुगेको छ। फ्रान्समा १ लाख ५७ हजार १ सय ३५ जना संक्रमित भएका छन्। जर्मनीमा संक्रमितको संख्या १ लाख ५० हजार ६ सय ४८ पुगेको छ।
संसारभर ७ लाख ८८ हजार ९ सय ३३ जना संक्रमित उपचारपछि निको भएर घर फर्किसकेका छन्। जर्मनीमा निको भएर घर फर्किनेको संख्या १ लाख ३ हजार ३०० सय पुगेको छ। स्पेनमा ८५ हजार ९ सय १५ जना निको भएर घर फर्किसकेका छन्।
अमेरिकामा निको भएर घर फर्किनेको संख्या ७६ हजार ६ सय १ पुगेको छ। चीनमा ७७ हजार ९ सय ११ जना निको भएर घर फर्किसकेका छन्। इरानमा निको भएर घर फर्किनेको संख्या ६३ हजार १ सय १३ पुगेको छ।
सार्क देशको अवस्था
भारतमा २४ घण्टामा १ हजार २ सय ९० जना संक्रमित थपिएका छन् भने ३६ जनाको मृत्यु भएको छ। योसँगै भारतमा संक्रमितको संख्या २१ हजार ४ सय ५० पुगेको छ। ६ सय ८१ जनाको मृत्यु भएको छ। ४ हजार ३ सय ७३ जना संक्रमित निको भएर घर फर्किसकेका छन्।
पाकिस्तानमा बुधबार ५ सय ११ जना संक्रमित भएका छन् भने ११ जनाको मृत्यु भएको छ। योसँगै पाकिस्तानमा संक्रमितको संख्या १० हजार ७६ पुगेको छ। २ सय १२ जनाको मृत्यु भएको तथ्यांक रहेको छ। २ हजार १ सय ५६ जना निको भएर घर फर्किसकेका छन्।
बंगलादेशमा २४ घण्टामा ३ सय ९० जना संक्रमित भए भने १० जनाको मृत्यु भएको छ। योसँगै बंगलादेशमा संक्रमितको संख्या ३ हजार ७ सय ७२ पुगेको छ। १ सय २० जनाको मृत्यु भइसकेको छ। ९२ जना मानिस निको भएर घर फर्किसकेका छन्।
अफ्गानिस्तानमा १ हजार १ सय ७६ जना संक्रमित भएका छन्। ४० जनाको मृत्यु भइसकेको छ। बुधबार ८४ जना संक्रमित भएका थिए भने ४ जनाको मृत्यु भएको थियो। १ सय ६६ जना निको भएर घर फर्किसकेका छन्।
श्रीलंकमा ३ सय ३० जना संक्रमित छन्। ७ जनाको मृत्यु भइसकेको छ। १ सय ५ जना निको भएर घर फर्किसकेका छन्। बुधबार २० जना नयाँ बिरामी थपिएका थिए।
माल्दिभ्समा संक्रमित हुनेको संख्या ८६ पुगेको छ। १६ जना निको भएर घर फर्किसकेका छन्।
नेपालमा बुधबार ३ जना संक्रमित भेटिएका छन्। योसँगै नेपालमा संक्रमितको संख्या ४५ पुगेको छ। ७ जना निको भएर घर फर्किसकेका छन्।
बुधबार भुटानमा एक जना नयाँ संक्रमित थपिएसँगै संक्रमितको संख्या ७ पुगेको छ। दुईजना निको भएर घर फर्किसकेका छन्।
