अनुषा भैनात्व
भक्तपुर, २ साउन
भक्तपुर नगरपालिकाको वडा नं. ८ लिवालीमा रहेको बाल विकास ई.से. स्कूलले आफनो विद्यालयमा अध्ययनरत विद्यार्थीहरुलाई भक्तपुरको ’जुजु धौ’ बनाऊने प्रशिक्षण दिएको छ । भक्तपुर नगरपालीकाले हालेै लागु गरेको पाठ्क्रम अन्तर्गत सो विद्यालयले आफना विद्यार्थीहरुलाई उच्चस्तरको ’जुजु धौ’ बनाउने प्रयोगात्मक प्रशिक्षण कक्षा सञ्चालन गरेको हो । उनीहरु आफैंले जुजु धोै बनाउने अभ्यास गरेका थिए ।
’जुजु धौ’ नेपालीहरु माझ मात्र नभई विदेशीहरु माझ पनि उत्तिकै लोकप्रिय छ । भक्तपुर घुम्न आउने स्वदेशी हुन् या विदेशी यहाँको ‘जुजु धौ’ खान सबै लालायित हुन्छन् । भक्तपुर घुम्न आएर पनि “जुजु धौ” नखाई फर्र्कदा घुमाई फिका हुने उनीहरुको अनुभव छ । भक्तपुरको जस्तो उच्चकोटीको स्वादिलो दहि अन्त कहिं पाईदैन । त्यसैले यसलाई “जुजु धौ” अर्थात दहिको राजा मानिन्छ । यहाँको कला , संस्कृति, रीति–रिवाजका अलावा भक्तपुरको ’जुजु धौ’ नेपालमा मात्र नभई विदेशमा पनि उतिकै प्रसिद्घ छ । ’जुजु धौ’ समग्र भक्तपुरलाई चिनाऊने एउटा चिनारी माध्यम पनि हो ।
