भक्तपुर, १६ पुस
भक्तपुर बचत तथा ऋण सहकारी संस्था लि.को युवा तथा खेलकूद उपसमितिको आयोजनामा संस्थाका ज्येष्ठ नागरिक शेयर सदस्यको दुई दिने भ्रमण सफलतापूर्वक सम्पन्न भएको छ ।
भ्रमणका क्रममा पहिलो दिन पुस १४ गते देवघाटमा दर्शन गरेर पुस १६ गते मनकामना दर्शन गरी फर्केका थिए । जम्मा ५० जना तिर्थालुको उपस्थिति रहेको उक्त भ्रमणमा प्रतिव्यक्ति १ हजार ५ सय रुपैयाँ गाडीभाडा उठाएका थिए । बाँकी अन्य खाने बस्नेलगायतका संस्था आफै व्यहोरेको थियो ।
ज्येष्ठ नागरिकको इच्छाअनुसार छोराछोरीले कहिँकतै नलग्दा बुढाबूढीहरु त्यत्तिकै थलिने हुँदा यस संस्थाले ज्येष्ठ नागरिक शेयर सदस्यका लागि सम्मानस्वरुप यस्तो कार्यक्रम राखेको संस्थाले जनाएको छ ।