म्याग्दी २७ कात्तिक
नेपाल कम्युनिष्ट पार्टीका अध्यक्ष तथा पूर्वप्रधानमन्त्री पुष्पकमल दाहाल पत्नी सीता दाहालको तीन दिने वाटर थेरापीका लागि (मंगलवार पनि बेनीमा बसेका छन् ।
नेपाली सेनाको एमआई १७ हेलिकप्टर चढेर सोमबार म्याग्दीको सदरमुकाम बेनीमा आएका प्रचण्ड बुधवारसम्म बेनीमा नै वस्नेछ ।
दाहालसँगै नेकपा सचिवालय सदस्य तथा गृहमन्त्री रामबहादुर थापा पनि पत्नी नैनकला थापासहित म्याग्दी आएको छ ।
दाहाल र थापा परिवारले सोमवार दिउँसो २ बजे तातोपानी कुण्डमा दुुई घण्टासम्म वाटर थेरापि (पानीमा डुवेर उपचार गर्ने प्रक्रिया) गराएको थियो । सोमवार २ बजेदेखि ४ बजेसम्म दाहाल र थापा परिवारले तातोपानी कुण्डमा डुबुल्की लगाए ।
मंगलवार पनि उनीहरु विहान १० बजे तातोपानी कुण्डमा पुगेर वाटर थेरापी गराइरहेको छ । तातोपानी कुण्डमा थेरापीका तीन दिने, सात दिने र अठार दिने कोर्स हुन्छन् । दाहाल पत्नी सीताको तीन दिनको कोर्स सकेर उनीहरु बुधबार काठमाडौं फर्कनेछ ।
आज (मंगलवार) दाहाल र थापा परिवारले चार घण्टा तातोपानीमा डुबेर सीता दाहालको उपचार र अन्यले आनन्द लिने छ । बुधबार पनि एक पटक तातोपानीमा थेरापी गरेर उनीहरु काठमाडौं फर्कनेछ ।
केही समयदेखि बिरामी रहेकी प्रचण्ड पत्नी सीतालाई स्वदेशका विभिन्न अस्पतालमा परीक्षण गर्दा रोग एकीन नभएपछि उनलाई सिंगापुरलगायत विदेशका अस्पताल लगिएको थियो ।
सीता मस्तिष्कसम्बन्धी रोग प्रोगेसिभ सुप्रान्युक्लियर पाल्सी (पीएसपी) बाट पीडित छिन् ।
तातोपानीमा महिला र पुरूषका लागि बेग्लाबेग्लै नुहाउने ठाउँ बनाइएको छ । प्राकृतिक मुलबाट निस्केको कुण्डको पानी ५० डिग्री सेल्सियसको रहेको छ । यो कुण्डमा नुहाउन प्रतिव्यक्ति तीन सय तिर्नुपर्छ । कुण्डमा शरीरका बाहिरी भाग (घाँटीमूनिका भाग) डुबाएर उपचार गरिन्छ । कुण्डको तातोपानीबाट बाहिर निस्केपछि पनि तातोपानी नै आउने धारामा नुहाउने गरिन्छ । तातोपानी कुण्डमा डुबुल्की मार्दा नशा, बाथ, ढाड दुखेको, शरीर सुन्निएकोलगायत समस्या कम हुने जनविश्वास छ । स्वदेशी र विदेशी गरी कुण्डमा अहिले २५० जनाभन्दा बढी विरामीले प्राकृतिक उपचार गराइरहेका छन् ।