काठमाडौं, २७ भदौ
साफ च्याम्पियनशिफ फूटबल प्रतियोगितामा नेपालको यात्रा सेमीफाइनलमै रोकिएको छ ।
बंगबन्धु रंगशाला ढाकामा बुधवार भएको सेमीफाइनल भिडन्तमा नेपाल माल्दिभ्ससँग ३-० गोलअन्तरले पराजित भयो ।
नेपाल समूह एको विजेता तथा माल्दिभ्स समूहबीको उपविजेताका रूपमा सेमीफाइनलमा पुगेका थिए ।
पहिलो हाफमा १-० ले पछि परेको नेपालले दोस्रो हाफमा थप २ गोल खान पुग्यो ।
प्रतियोगिताको अर्को सेमीफाइनलमा बुधवार नै भारत र पाकिस्तान भिड्दैछन् ।
समूहमा नेपालले भूटान र बंगलादेशलाई पराजित गरेको थियो । माल्दिभ्सको भने प्रतियोगितामा यो पहिलो जीत हो ।
