काठमाडाैं, १७ बैशाख
नेपालमा कोरोना संक्रमितको संख्या ३ लाख २३ हजार १८७ पुगेको छ। गत २४ घण्टामा देशका ७० जिल्लामा ५ हजार ७२७ जना संक्रमित थपिएको स्वास्थ्य तथा जनसंख्या मन्त्रालयले जनाएको छ। जसमध्ये ३८ हजार ८१३ जना सक्रिय संक्रमित छन्।
स्वास्थ्य मन्त्रालयका अनुसार शुक्रबार १५ हजार ९१६ जनाको पिसिआर परीक्षण गरिएको थियो। ती मध्ये ५ हजार ६५७ जनामा कोरोना पोजिटिभ देखिएको थियो।
स्वास्थ्य मन्त्रालयका अनुसार पिसिआर पोजिटिभ हुनेमा प्रदेश १ को इलाममा ४, उदयपुरमा ३, ओखलढुंगामा ६, खोटाङमा ४, झापामा ७७, ताप्लेजुङमा १, तेह्रथुममा १, धनकुटामा १, पाँचथरमा १, भोजपुरमा ६ मोरङमा १६१, संखुवासभामा १, सुनसरीमा ५८, जनामा कोरोना भेटिएको छ।
प्रदेश २ को धनुषामा ५२, पर्सा १५३, बारामा ४३, महोत्तरीमा ९, रौतहटमा १६, सप्तरीमा ४, सर्लाहीमा १९ र सिरहामा १३ जनामा कोरोना पाइएको छ।
बागमती प्रदेशको काठमाडौंमा मात्र २४०४ जनामा कोरोना पुष्टि भएको छ। काभ्रेपलाञ्चोकमा ६९, चितवनमा १११, दोलखामा ११, धादिङमा १३, नुवाकोटमा १३, भक्तपुरमा १३३, मकवानपुरमा ३८, रामेछाप १४, ललितपुरमा ४१९, सिन्धुपाल्चोकमा २८ र सिन्धुलीमा ६ जनामा कोरोना भेटिएको मन्त्रालयले जनाएको छ।
गत २४ घण्टामा गरिएको परीक्षणमा गण्डकी प्रदेशको कास्कीमा ८, गोरखामा २०, तनहुँमा ५, नवलपरासी पूर्वमा ३६, पर्वतमा १, म्याग्दीमा १, लमजुङमा२, बागलुङमा २ र स्याङजामा ६ जनामा कोरोना पुष्टि भएको छ।
लुम्बिनी प्रदेशको अर्घाखाँचीमा २८, कपिलवस्तुमा २७, गुल्मीमा १४, दाङमा २५२, नवलपरासीमा ४६, पाल्पामा ४३, प्युठानमा १०, बर्दियामा ५०, बाँकेमा ४२२, रुकुम पूर्वमा २, रुपन्देहीमा ४७३ र रोल्पामा ४४ जनामा कोरोना पाइएको छ।
गत २४ घण्टामा कर्णाली प्रदेशको कालिकोटमा १, जाजरकोटमा २, जुम्लामा २, दैलेखमा १७, रुकुम पश्चिममा ५, सल्यानमा १० र सुर्खेतमा ९७ र हुम्लामा २ जनामा कोरोना भेटिएको छ।
सुदूरपश्चिम प्रदेशको अछाममा १४, कञ्चनपुरमा ४६, कैलालीमा ४१, डडेल्धुरामा १३, डोटी २, दार्चुलामा २, बाजुरामा ३ र बैतडीमा १६ जनामा कोरोना भेटिएको मन्त्रालयले जनाएको छ।
