थप १८ संक्रमितको मृत्यु, मृतकको संख्या १७१६ पुग्यो

नेपालमा कोरोना संक्रमित मृतकको संख्या १७ सय नाघेको छ। गत २४ घण्टामा १८ जना संक्रमितको मृत्यु भएसँगै कोरोना संक्रमित मृतकको संख्या १ हजार ७ सय १६ पुगेको स्वास्थ्य तथा जनसंख्या मन्त्रालयले जनाएको छ। यसअघि आइतबार ९ जना संक्रमितको मृत्यु भएको थियो।

एकै दिन ८ सय २१ जना भेटिएसँगै संक्रमितको संख्या २ लाख ४९ हजार २ सय ४४ पुगेको छ। कुल संक्रमितमध्ये १० हजार ९ सय ५५ जना सक्रिय संक्रमित छन्।

गत २४ घण्टामा ५ हजार ४ सय २३ जनाको पिसिआर परीक्षण भएको छ। यो सँगै नेपालमा पिसिआर परीक्षण हुनेको संख्या १८ लाख ३६ हजार ४ सय ६४ पुगेको छ। हाल ४ सय ७१ जना क्वारेन्टाइनमा रहेको मन्त्रालयले जनाएको छ।