न्यूज अपडेट
काठमाडाैं, १८ असाेज
पछिल्लो २४ घण्टामा थप १ हजार ३ सय २९ जना कोरोना संक्रमित संक्रमणमुक्त भएका छन्।
देशका विभिन्न आइसोलेसनबाट उनीहरू निको भएर घर फर्किएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए।
यो सँगै नेपालमा ६४ हजार ६९ जना संक्रमित उपचारपछि निको भएका छन्।
मन्त्रालयका अनुसार १२ हजार ७ सय ८४ जनाको पिसिआर परीक्षण भएको छ । यो सँगै १० लाख ७४ हजार ४ सय ४८ जनाको पिसिआर भएको मन्त्रालयले जनाएको छ।
मन्त्रालयका अनुसार ४ हजार २ सय ३ जना क्वारेन्टाइनमा छन्। नेपालमा २२ हजार २ सय १९ जना संक्रिय संक्रमित भएको मन्त्रालयले जनाएको छ।
कुन प्रदेशमा कति डिस्चार्ज
प्रदेश १ –५७३३
प्रदेश २– १२२९१
बाग्मती प्रदेशमा –२०४९३
गण्डकी प्रदेशमा –३५५५
प्रदेश ५मा –९५५५
कर्णाली प्रदेशमा –३१८५
सुदूरपश्चिम प्रदेशमा ७१५५