न्यूज अपडेट
काठमाडाैं, १५ असाेज
देशभर कोरोना संक्रमितको संख्या बढेसँगै आइसियुमा र भेन्टिलेटरमा उपचार गर्नेको संख्या पनि बढ्न थालेको छ।
स्वास्थ्य तथा जनसंख्या मन्त्रालयका अनुसार देशभर २ सय ४५ जना कोरोना संक्रमित विभिन्न अस्पतालको आइसियु र भेन्टिलेटरमा उपचाररत छन्।
मन्त्रालयको तथ्यांक अनुसार २५ जना भेन्टिलेटरमा र २२० जना संक्रमित आइसियुमा उपचाररत रहेका छन् ।
आइसियुमा रहेका संक्रमितको संख्या सबैभन्दा बढी बागमती प्रदेशमा १०८ जना आइसियु र १९ जना भेन्टिलेटर, प्रदेश ५ मा ५२ जना आइसियु र ३ जना भेन्टिलेटरमा, प्रदेश १ मा २० जना आइसियु र ३ जना भेन्टिलेटरमा र सुदुरपश्चिममा १ जना आइसियु उपचाररत रहेको मन्त्रालयले जनाएको छ।
त्यस्तै प्रदेश २ मा १८, गण्डकी प्रदेशमा ६ र कर्णाली प्रदेशमा १५ आइसियुमा उपचाररत रहेका छन् ।