न्यूज अपडेट संवाददाता
काठमाडाैं, ७ मंसिर
सुनको भाउमा भारी गिरावट आएको छ । मंसिर ७ गते, मंगलबार सुन तोलामा एक हजार ६०० रुपैयाँले घटेको छ ।
आज छापावाल सुन प्रतितोला ९२ हजार ३०० रुपैयाँमा झरेको नेपाल सुनचाँदी व्यवसायी महासंघले जनाएको छ । यस्तै तेजाबी सुन पनि ओरालो लागेर प्रतितोला ९१ हजार ८०० रुपैयाँमा खरिदबिक्री हुँदैछ । अघिल्लो कारोबार दिन सुनको भाउ तोलामा २०० रुपैयाँले बढेर प्रतितोला ९३ हजार ९०० रुपैयाँ तोकिएको थियो ।
मंगलबार चाँदीको मूल्य पनि वृद्धि भएको छ । यस दिन चाँदी तोलामा १५ रुपैयाँले बढेर प्रतितोला एक हजार २५५ रुपैयाँमा किनबेच हुँदैछ । सोमबार चाँदीको भाउ तोलामा १० रुपैयाँले उकालो लागेर प्रतितोला एक हजार २७० रुपैयाँ पुगेको थियो ।