चिनियाँ कम्युनिस्ट पार्टी र विश्वका राजनैतिक पार्टीहरूको शिखर सम्मेलनको संयुक्त वक्तव्य

चिनियाँ कम्युनिस्ट पार्टीको आयोजनामा हामी १६० देशहरूका ५०२ राजनैतिक पार्टी एवं सङ्गठनहरूका प्रतिनिधिहरू चिनियाँ कम्युनिस्ट पार्टी र विश्वका राजनैतिक पार्टीहरूको शिखर सम्मेलनमा अनलाइन भिडियोमार्फत सहभागी भयौँ । “जनताको भलाइको लागि राजनैतिक पार्टीहरूको जिम्मेवारी” सम्बन्धी विषयवस्तुमा केन्द्रित भई शिखर कार्यक्रममा हाम्रा विचारहरू गहिराइमा आदानप्रदान गर्‍यौँ । कार्यक्रमबाट बृहत् समझदारीसहित निर्णयहरू गरियो ।
आर्थिक विश्वव्यापीकरणको फैलावट, विज्ञान र प्रविधिको तीव्र विकास र विविध सभ्यताहरूबीच बढ्दो अन्तरक्रियाले विश्वमा झन् जटिल र गहन परिवर्तन भएका छन् । विश्वका सबै देशहरूको भलाइमा लाग्दा हामी पहिलेभन्दा धेरै एकआपसमा जोडिएका छौँ । साथै, ऐतिहासिक अवसरहरू र जोखिम तथा चुनौतीहरू पनि । एकता र एकआपसमा जोडिएको र साझा भविष्य भएको मानव समाज कोभिड–१९ को आक्रमणले अझ एउटै विश्व–गाउँमा रहेको पाठ सिकाएको छ । मानवतामाथि आइपरेका समस्या र चुनौतीहरूको समाधान ऐक्यबद्धता र सहकार्यबाट मात्र सम्भव छ । राष्ट्रिय नीतिहरूको केन्द्रबिन्दु र जनताको चासोका विषयहरूसँग सम्बन्धित भएकोले राजनैतिक पार्टीहरूले देशको राजनीतिमा महत्वपूर्ण भूमिका निभाउन सक्छ । यस ऐतिहासिक घडीमा सबै जनताको भलाइमा सम्पूर्ण राजनैतिक पार्टीहरूले सच्चा भावनाले जिम्मेवारी पूरा गर्नु आवश्यक छ ।

१. हामी सबै देशका राजनैतिक पार्टीहरूले विश्वका मूल्य मान्यताहरूमा सहमति जनाउने प्रस्ताव गर्दछौँ । हाम्रो प्रयास मानवजातिको साझा महत्वका विषयहरू शान्ति, विकास, निष्पक्षता, न्याय, प्रजातन्त्र र स्वतन्त्रताको प्राथमिकतामा समर्पित हुनुपर्दछ । अन्तर्राष्ट्रिय सम्बन्धहरूमा अधिक प्रजातन्त्रको लागि ऐतिहासिक पथ पछ्याउनुपर्दछ र साझा जमिन, आपसी सम्मान र आपसी सिकाइमा आधारित सम्बन्ध निर्माणको लागि बहुपक्षीयतालाई जोड दिनुपर्दछ । देशहरूबीचको संवादको लागि आपसी सम्मान, निष्पक्षता, न्याय र जीत–जीत सहकार्यको सिद्धान्तलाई मध्यनजर गर्नुपर्दछ । सुरक्षाको लागि साझा, व्यापक, सहकार्य र दीगो अवधारणा अँगाल्नु आवश्यक छ । दीगो शान्ति, विश्वव्यापी सुरक्षा र साझा सम्पन्नतासहितको खुला, सहभागीमूलक, सफा र सुन्दर विश्व निर्माणमा ठोस प्रयास हुनु पर्दछ । यसरी, अन्तर्राष्ट्रिय समुदायले साझा भविष्य निर्माणमा र बलियो राजनैतिक शक्तिले मानव विकास र प्रगतिको लागि कार्य गर्नेछ ।

२. सबै देशका राजनैतिक पार्टीहरू साझा विकासको लागि प्रतिबद्ध हुने हामी प्रस्ताव गर्छौँ । दीगो विकास, विकास रणनीतिको लागि संयुक्त प्रयास, बृहत् आर्थिक नीतिको समन्वय र प्राविधिक नवीनताको लागि बृहत् विश्व सहयोगको संयुक्त राष्ट्र सङ्घ २०३० एजेन्डाहरू कार्यान्वयन गर्न सक्रियता हुनु आवश्यक छ । उदारीकरण र व्यापार तथा लगानी बढाउन विश्व व्यापार सङ्गठनसँगको बहुपक्षीय व्यापार प्रणालीलाई सुरक्षित बनाउनु आवश्यक छ । औद्योगिक सञ्जाल, आपूर्ति सञ्जाल र वित्तीय वातावरणको स्थायित्व र सहज कार्यको लागि पूर्वाधार र औद्योगिक सहयोग बढाउनुपर्दछ । यसरी, आर्थिक भूमण्डलीकरण सबैको लागि अझ खुला, सहभागितामूलक, सन्तुलित र फाइदाजनक हुनेछ र विश्व विकास झन् निष्पक्ष, धेरै प्रभावकारी र समन्वयकारी हुनेछ ।

३. हामी सबै देशका राजनैतिक पार्टीहरू हाम्रो पृथ्वी मातालाई आतिथ्य घर बनाउन प्रतिबद्ध हुने प्रस्ताव गर्दछौँ । मानिस र प्रकृतिबीचको सद्भावको दर्शन प्राप्त गर्न राजनैतिक पार्टीहरूले अन्तरपुस्ता इक्विटीको अनुभूति गर्नु आवश्यक छ । प्राकृतिक स्रोत संरक्षण र वातावरण संरक्षणलाई प्राथमिकता दिने र प्रकृतिको आफैँ पुनःस्थापना गर्न दिने सिद्धान्तको नियमित निरीक्षण गर्नुपर्दछ । सबै तत्वहरूसहितको सद्भावपूर्ण पर्यावरणको लागि जीवन जिउने तरिका र उत्पादनको लागि हरित, न्यून कार्वन, चक्रिय र दीगो तरिकाहरू अपनाउनु पर्दछ । मौसम परिवर्तन, समुद्री प्रदूषण, जैविक संरक्षण र अन्य विश्व वातावरणीय समस्याहरू समाधान गर्न विकासशील देशहरूलाई अन्य क्षेत्रमा जस्तै पुँजी, प्रविधि र क्षमता विकासमा मद्दत गर्नुपर्दछ । यसरी, साझा भविष्यको लागि मानिस–प्रकृति समुदायलाई निष्पक्ष, समतामूलक र जीत–जीत सहकार्यसहितको विश्व वातावरणीय सुशासन प्रणालीको विकास हुनेछ ।

४. हामी सबै देशका राजनैतिक पार्टीहरू जनता र जनताको स्वास्थ्यको सुरक्षामा प्रतिबद्ध हुने प्रस्ताव गर्दछौँ । विकासका मुद्दाहरूमा जनताको जीवन र स्वास्थ्यलाई सबैभन्दा माथि राख्नु र स्वास्थ्यसम्बन्धी नीतिहरूलाई पूर्ण ध्यान दिनु नै ‘जनता प्रथमको’ सिद्धान्त हो । सबै जनताको स्वस्थ जीवनको लागि जनताको प्राथमिकतामा पर्ने सुरक्षित, प्रभावकारी, सुविधाजनक र सस्तो स्वास्थ्य सुविधालाई चित्तबुझ्दो बनाउनुपर्दछ । भाइरससँग जित्न र सुरक्षित रहन विज्ञान र सहकार्यलाई आधार बनाइनु आवश्यक छ । भाइरसमा महामारीको राजनीतीकरण र कलङ्क थुपार्ने प्रवृत्तिको प्रतिरोध गर्नुपर्दछ । कमजोर सार्वजनिक स्वास्थ्य प्रणाली भएका विकासशील देशहरूलाई रोगविरुद्ध कार्य क्षमता बढाउन मद्दत प्रदान गर्नुपर्दछ । यसरी, सबैको लागि स्वास्थ्य समुदाय निर्माणमा प्रगति गर्दै सार्वजनिक स्वास्थ्यसम्बन्धी विश्व सुशासन प्रणाली सुधार हुनेछ ।

५. हामी सबै देशका राजनैतिक पार्टीहरूले विभिन्न सभ्यताहरूबीच सिकाइको आदानप्रदान र साझा सिकाइमा प्रतिबद्ध हुने प्रस्ताव गर्दछौँ । विश्वका सबै सभ्यताहरूमा भएको विविधता संरक्षण गर्न, सभ्यता र विचारधाराहरूमा भएका भिन्नताबाट माथि उठ्न समानता, सम्मान, खुलापन र सहभागितामूलक सिद्धान्तबारे अवलोकन आवश्यक छ । सबै सभ्यताहरूले बौद्धिक सम्पत्ति हकमा अधिकार राख्न सक्छन् । शिक्षा, विज्ञान, संस्कृति, खेलकुद, पर्यटन र थिङ्क ट्याकको क्षेत्रहरूमा जनता–जनताबीचको अन्तरक्रिया र सहकार्यबाट विविध सभ्यताहरूबीच सरसल्लाह र आदानप्रदान बढाउनुपर्दछ । सबै देशका विभिन्न सभ्यताहरूका सामाजिक समूहहरू बीच यस्ता अन्तरक्रियाहरूमार्फत बुझ्ने र प्रशंसा गर्ने कार्यलाई प्रोत्साहन गर्नुपर्दछ । यसरी, आ–आफ्नो सभ्यताहरूमा नवीन विकास गर्दै विभिन्न सभ्यताहरू एकआपसमा सन्तुलनमा रहनेछन् ।

६. सबै देशका राजनैतिक पार्टीहरू आफ्नो देशका जनताको जीवन सुधार गर्न प्रतिबद्ध भएको प्रस्ताव गर्दछौँ । समाजमा आवश्यक संस्थाहरू निर्माण गर्ने र कानुनको शासन, सामाजिक नियम र सुविधाहरूको सुधार र आम्दानीमा न्याय र समानतामार्फत जनताको तात्कालीन समस्याहरू सम्बोधन गरिनुपर्दछ । स्वच्छ र प्रतिस्पर्धी सरकार निर्माण गर्न भ्रष्टाचार नियन्त्रण गर्न भ्रष्टाचारविरुद्ध अन्तर्राष्ट्रिय सहकार्यको लागि थप पहल गर्नु आवश्यक छ । गरिब देशहरूको विकासको लागि कमजोर बजेट र वित्तीय नीति, शिक्षा र तालिम तथा विशेष उद्योग सहयोगको लागि विविध समाधानका उपायहरू अवलम्बन गर्नुपर्दछ । तसर्थ, गरिबी निवारण थप स्वचालित, लक्षित र नतिजामूलक हुनेछ । साथै, गरिबी निवारणमा समर्पित हुन अन्तर्राष्ट्रिय सहकार्यमा विशेष ध्यान र लागत हुनु जरुरी छ । गरिबी निवारणको लागि सबै देशहरूमा, विशेषतः विकासशील देशहरूमा धेरै जोड र सहयोग केन्द्रित गर्नुपर्दछ ।

७. सबै देशका राजनैतिक पार्टीहरू सुशासनमा प्रतिबद्ध भएको प्रस्ताव गर्दछौँ । डिजिटलीकरण र सूचना प्रविधिको प्रयोगको छालको कारण उब्जेको नयाँ परिस्थितिमा पार्टी निर्माणमा आएका चुनौतीहरू सम्बोधन गर्न सुशासनबारे अनुभव आदानप्रदान तथा सहकार्य र पार्टी निर्माणमा नयाँ तरिकाहरूको खोजअनुसन्धानमा आवश्यक ध्यान दिनुपर्दछ । सामाजिक सुशासनलाई समग्र र समन्वयात्मक प्रदर्शनको तहमा उठाउनु पर्दछ । यसरी, जनताको जीवन सुधारको लागि सहभागितामूलक, विचारमूलक र प्रवाहमूलक अवधारणामार्फत सुशासनमा सुधार आउनेछ । मानव समाजको विकासका चुनौतीहरूको समाधानमा अधिक योगदान पुग्नेछ ।

८. सबै देशका राजनैतिक पार्टीहरू विश्व सुशासनको लागि उत्तम नियमहरू निर्माण गर्न प्रतिबद्ध रहने प्रस्ताव गर्दछौँ । विस्तृत परामर्श, संयुक्त योगदान र साझा फाइदाहरूको अवधारणालाई थप विकास गर्नुपर्दछ । संयुक्त राष्ट्र सङ्घको चार्टरको उद्देश्य र सिद्धान्तले निर्धारण गरेको अन्तर्राष्ट्रिय आदेश र प्रणालीको सुरक्षा गर्नुपर्दछ । विश्व सुशासन प्रणालीको अन्तर्राष्ट्रिय कानुनको स्थिति र भूमिकालाई उकास्नुपर्दछ । अन्तर्राष्ट्रिय जगतमा कानुनको शासन पालना गर्न अन्तर्राष्ट्रिय नियमहरूको प्रभावकारी निरीक्षण र अभ्यास गर्नुपर्दछ । सबै देश र जनताको पहुँचमा हुने गरी नवीन प्राविधिक क्रान्ति र औद्योगिक रूपान्तरणसहितको नियम र संस्थान प्रणाली विकास गर्न संयुक्त प्रयासहरू गर्नुपर्दछ । यसरी, विश्व सुशासन प्रणाली अझ समतामूलक, खुला, पारदर्शी तथा सहभागितामूलक र सबै देशको अधिकार र चासोको प्रत्याभूति हुनेछ ।
हामी यस विश्व शिखर सम्मेलन सफल पार्ने चिनियाँ कम्युनिस्ट पार्टीलाई धन्यवाद दिन चाहन्छौँ । हामी सबै राजनैतिक पार्टीहरू सम्पूर्ण जनतासँग आपसी समझदारी र साझा विकासमा चिकपासँग आदानप्रदान र सहकार्यलाई थप प्रभावकारी बनाउन समझदार छौँ ।
स्राेतः अनलाइन मजदुर