न्यूज अपडेट
काठमाडाैं, २३ असाेज
पछिल्लो २४ घण्टामा थप १ हजार ६ सय ८० जना कोरोना संक्रमित संक्रमणमुक्त भएका छन्।
देशका विभिन्न आइसोलेसनबाट उनीहरू निको भएर घर फर्किएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।
यो सँगै नेपालमा ७३ हजार २३ जना संक्रमित उपचारपछि निको भएका छन्।
आज मन्त्रालयका अनुसार १३ हजार २ सय ७९ जनाको पिसिआर परीक्षण भएको छ । यो सँगै ११ लाख ४५ हजार २ सय ३७ जनाको पिसिआर भएको मन्त्रालयले जनाएको छ।
मन्त्रालयका अनुसार ४ हजार ७ सय ३ जना क्वारेन्टाइनमा छन्। नेपालमा २७ हजार ५४जना संक्रिय संक्रमित भएको मन्त्रालयले जनाएको छ।
कुन प्रदेशमा कति डिस्चार्ज
प्रदेश १ – ६३३७
प्रदेश २– १४९८१
बाग्मती प्रदेशमा –२६४८७
गण्डकी प्रदेशमा –४०७८
प्रदेश ५मा –१०३९२
कर्णाली प्रदेशमा –३३५०
सुदूरपश्चिम प्रदेशमा ७३९८