भक्तपुर २४ बैशाख
वर्षको तीन दिन मात्र भक्तजनहरुको लागि खुल्ला हुने भक्तपुरको सिपाडोलमा अवस्थित केदारनाथको शिर डोलेश्वर मन्दिरमा हिजो अक्षय तृतीयाका दिन खुल्ला गरिएको थियो ।
अक्षय तृतियाका दिन बिहानैदेखि भक्तजनहरुको लागि मन्दिरका चारै ढोका खुल्ला गरिएको केदारनाथको शिर डोलेश्वर महादेव संरक्षण तथा बिकास समितिले जनाएको थियो । समितिका अनुसार सो मन्दिर भक्तजनहरुका लागि अक्षय तृतीया, भदौ ६ गते र शिवरात्रीका दिन मात्र भक्तजनहरुको लागि मन्दिर खुल्ला गरिन्थ्यो ।
पछिल्लो समयमा धार्मिक क्षेत्रका रुपमा परिचित डोलेश्वर मन्दिरमा पूजा आजा गर्न उपत्यकालगायत देश विदेशबाट समेत भक्तजनहरु मन्दिरमा आउने गरेका थिए।
मन्दिर परिसरमा जौको सातु र सर्वत लगायत फलफूल पनि भक्तजनहरुका लागि निःशुल्क वितरण गरिएको छ ।
