न्यूज अपडेट
भक्तपुर, २० चैत
भक्तपुर बचत तथा ऋण सहकारी संस्था लि.को खेलकुद उपसमितिको आयोजनामा यही चैत १८ गतेदेखि स्थानीय वाकुपति नारायण स्थानमा भएको कसिमला पाँय् र बाघचाल(पेकुंधु) खेलकुद प्रतियोगिता शुक्रबार सम्पन्न भएको छ ।
संस्थाले आर्थिकसँगै सामाजिक, सांस्कृतिक, शैक्षिक, स्वास्थ्यवद्र्धक एवं सदस्य तथा गैरसदस्य लक्षित विभिन्न सिपमूलक तथा रोजगारमूलक कार्यक्रमलाई निरन्तरता दिइरहेको संस्थाले जानकारी दिएको छ ।
यसै सिलसिलामा भएको उक्त खेलकुद प्रतियोगितामा उत्साहवद्र्धक सहभागिता रहेको आयोजकले बताएको छ ।
कसिमला पाँय् खेलमा ३७ जना सहभागी रहेकोमा हरिचन्द्र प्रजापति प्रथम, लक्ष्मी भक्त सुवाल द्वितीय, इन्द्र बहादुर देउपाला तृतीय र सत्यनारायण दिदीया सान्त्वना हुन सफल भएका छन् । त्यस्तै बाघचाल (पेकुंधु) खेलमा १६ जना सहभागी रहेकोमा चन्द्र बहादुर ज्याख्व प्रथम, असल बहादुर प्रजापति द्वितीय, विष्णु सुवाल तृतीय र पुरुषोत्तम प्रजापति सान्त्वना हुन सफल भएका छन् ।
नकआउट चरणमा खेलाइएको उक्त दुवै खेलका विजयी प्रथम, द्वितीय, तृतीय र सान्त्वना हुन सफल खेलाडीहरुलाई समापन कार्यक्रमका प्रमुख अतिथि एवं नेपाल मजदुर किसान पार्टी भक्तपुर नगर समितिका रवीन्द्र खर्वुजाले क्रमशः ५ हजार, ३ हजार, २ हजार र १ हजार राशीको पुरस्कार, ट्रफी तथा प्रमाणपत्रसहित खेलसामग्री एक÷एक सेट वितरण गरेको थियो । आयोजक समितिका संयोजक राजेश प्रजापतिको सभापतित्वमा भएको उक्त कार्यक्रममा संस्थाका अध्यक्ष बलराम प्रजापति, उपसमितिका सदस्य गंगा प्रसाद प्रजापतिले खेलकुद प्रतियोगितालाई निरन्तरता दिइरहने बताएका थिए ।
