न्यूज अपडेट
काठमाडाैं, १६ असाेज
देशभर कोरोना संक्रमितको संख्या बढेसँगै होम आइसोलेसन बस्नेको संख्या पनि बढ्दै गएको छ।
शुक्रबार २१ हजार २ सय ३४ जना संक्रिय संक्रमितमध्ये ११ हजार ७ सय ६० जना कोरोना संक्रमित होम आइसोलेसनमा रहेको स्वास्थ्य तथा जनसंख्या मंन्त्रालयले जनाएको छ।
मन्त्रालयका अनुसार सबै भन्दा धेरै बाग्मती प्रदेशमा ६ हजार ९ सय १८ जना होम आइसोलेसनमा छन्।
त्यस्तै प्रदेश १ मा १ हजार ६ सय , प्रदेश २ मा ६ सय १२, प्रदेश ५मा १ हजार २ सय ९, सुदूरपश्चिम प्रदेशमा ५६३, गण्डकी प्रदेशमा ५३२ र कर्णाली प्रदेशमा २५९ जना होम आइसोलेसनमा रहेको मन्त्रालयले जनाएको छ।
