न्यूज अपडेट संवाददाता
भक्तपुर, २१ असार
भक्तपुर सिपाडोल चखुखोला नजिक डोलेश्वर जाने मुख्य बाटोमा रहेको नेपाल विद्युत प्राधिकरणको फलामको खम्बा एक बुढी आइमाईले कवाडीलाई बेची खाएको छ ।
सिन्धुपाल्चोक स्थायी घर भई हाल सिपाडोल चखुखोला नजिक डोलेश्वर जाने मुख्य सडकसँगै घर बनाई बसोबार गरी बस्ने आइमाईले उक्त खम्बा काट्न लगाई कवाडीलाई बेचेको स्थानीयले बताएको छ ।
उक्त खम्बा शुक्रवार राती ८ः०० बजेतिर काट्न लगाई कवाडीलाई बेचिएको अवस्थामा स्थानीयले देखेपछि कारवाहीका लागि जगाती प्रहरी वृत्तलाई जानकारी गराएको थियो । प्रहरीले सोही दिन आइमाईसँगै घरमा बस्ने सरकारी लेखा अधिकृतलाई समेत जाँचबुझका लागि हिरासतमा लिएको छ ।
