आयोगका एक सदस्यका अनुसार स्नातक तहका सबै विषयमा लागि ३.६ प्रतिशतले शुल्क वृद्धि गर्ने निर्णय भएको छ। बैठकमा पछिल्लो ४ वर्षयता शुल्क नबढेको र योबीचमा मूल्य वृद्धि तथा कर्मचारीहरुको तलब समेत बढेको भन्दै शुल्क बढाउन सुझाव आएको थियो। छलफलमा शुल्कलाई १५ प्रतिशत बढाउन प्रस्ताव गरिएको थियो। सबैसँगको छलफलमा ३.६ प्रतिशत बढाउन उचित हुने सुझाव आएपछि त्यही अनुसार निर्णय भएको ती सदस्यले जानकारी दिए।
कुन विषयको शुल्क कति?
बैठकको उक्त निर्णयसँगै आयोगले विषयगत आधारमा नयाँ शुल्क सार्वजनिक गर्ने जनाएको छ।
बैठकको निर्णय अबको शैक्षिक सत्रमा एमबीबीएसको शुल्क उपत्यकाभित्र ४१ लाख ६८ हजार ८७ रुपैयाँ पुगेको छ। उपत्याकाबाहिर ४५ लाख ९५ हजार ७२१ पुगेको छ।
बीडीएसको शुल्क २० लाख ९२ हजार २८४ पुगेको छ।
बीएससी नर्सिङको १० लाख ३६ हजार रुपैयाँ, बीएएमएसको ११ लाख ३१ हजार ९३३, बीएनएस एन्ड पीबीएनको ५ लाख १८ हजार, बीपीटी/बीएससी एमएलटी/ बीएससी एमआईटी/बीएससी मेडिकल माईक्रोबायोलोजी/बायोकेमेस्ट्रीको ७ लाख ७७ हजार, बी फार्मा/बीपीएच/बीओपीटीएम/बीएएसएलएपीको ७ लाख ७७ हजार पुगेको छ।
