न्यूज अपडेट संवाददाता
भक्तपुर, २२ पुस
भक्तपुर बचत तथा ऋण सहकारी संस्था लि.को खेलकुद उपसमितिको आयोजनामा बाल बचतकर्ताहरुबीच शनिवार ठूली ब्रह्मायणी परिसर सुडालमा बाल वनभोज कार्यक्रम भएको छ ।
एक सय २६ जना बाल बचतकर्ताहरुले भाग लिएको उक्त कार्यक्रममा बाल मैत्री विभिन्न खेलहरुको प्रस्तुति रहेको थियो ।
त्यस्तै उक्त संस्थाको व्यवसाय प्रबद्र्धन उपसमितिको आयोजनामा आइतबारदेखि तीन दिने पापड बनाउने तालिम सुरु भएको छ । कार्यक्रममा उपसमितिका संयोजक तारादेवी धन्छाले महिलाहरुबीच उद्यमशीलताको विकास आवश्यक भएको औंल्याए । प्रशिक्षक उदया शर्माले तालिम दिएको उक्त कार्यक्रममा उपसमितिका सदस्य शमशेर प्रजापतिले पनि बोलेको थियो । तालिममा २४ जना सहभागी भएका छन् ।
