न्यूज अपडेट संवाददाता
भक्तपुर, १३ पुस
भक्तपुर नगरव्यापी विद्यालयस्तरीय राष्ट्रपति रनिङ शिल्ड खेलकुद प्रतियोगिताको समापन तथा विजयीहरुलाई पुरस्कार वितरण कार्यक्रम शुक्रबार लिबाली कभर्ड हलमा सम्पन्न भयो । उक्त प्रतियोगितामा सैनिक आवासीय महाविद्यालयले २३ स्वर्ण पदक प्राप्त गरी प्रथम, जेसिस स्कूलले ९ स्वर्ण पदक प्राप्त गरी द्वितीय, मेधा माविले ८ स्वर्ण र बागीश्वरी माविले ६ स्वर्णसहित तृतीय स्थान हासिल गर्न सफल भएका छन् ।
सोही क्रममा कार्यक्रमका प्रमुख अतिथि भक्तपुर नगरपालिकाका प्रमुख सुनिल प्रजापतिले प्रतियोगिताका विजयी र उत्कृष्ट खेलाडीहरुलाई शिल्ड, मेडल र प्रमाणपत्र वितरण गरेको छ ।
कार्यक्रममा बोल्दै उनले विद्यार्थीहरुलाई सक्रिय बनाइराख्न खेलकुदको ठूलो भूमिका रहेको बताउँदै खेलाडीहरुले हार जितको लागि मात्र नभई देशको स्वतन्त्रता रक्षाको निम्ति पनि खेल्नुपर्ने बताए ।
उनले खेलकुद क्षेत्रको विकासको लागि भक्तपुर नपाले विभिन्न खेलकुद गतिविधिको आयोजना गर्दै आइरहेको बताउँदै विद्यार्थी जीवनदेखि खेलकुदमा सक्रिय बनाउन यस्ता प्रतियोगिताको आवश्यकता रहने बताए ।
कार्यक्रममा भक्तपुर नपा वडा नं. १ का वडाध्यक्ष एवम् खेलकुद समितिका संयोजक श्यामकृष्ण खत्रीले प्रतियोगिता सफल रुपमा सम्पन्न गर्न सहयोग पुर्याउने सबैमा धन्यवादज्ञापन गरे ।
उक्त कार्यक्रममा भक्तपुर नपाका प्रमुख प्रशासकीय अधिकृत वसन्त भट्टराईले धन्यवादज्ञापन गरेको थियो भने भनपा वडा नं. ४ का वडाध्यक्ष उपेन्द्र सुवाल, भक्तपुर जिल्ला खेलकुद विकास समितिका अध्यक्ष दिपक थापा, भक्तपुर जिल्ला भलिबल संघका अध्यक्ष विनोदचरण राय, वडा सदस्य रामसुन्दर बासीले पनि बोलेको थियो ।
त्यस्तै प्रतियोगिताअन्तर्गत भलिबल खेल छात्रतर्फ सैनिक आवासीय महाविद्यालय प्रथम, श्री पद्म मावि द्वितीय र बागीश्वरी मावि तृतीय हुन सफल भए । सोही खेलको छात्रातर्फ सैनिक आवासीय महाविद्यालय प्रथम, बासु मावि द्वितीय र बागीश्वरी मावि तृतीय हुन सफल भए ।
त्यस्तै कबड्डी खेलको छात्रतर्फ ख्वप मावि प्रथम, मिनर्वा स्कूल द्वितीय, बागीश्वरी मावि र पारागन इ. स्कूल तृतीय हुन सफल भए । कबड्डी छात्रातर्फ साइनिङ स्कूल प्रथम, पारागण इ. स्कूल द्वितीय, बागीश्वरी र ख्वप मावि तृतीय हुन सफल भए ।
भक्तपुर नगरव्यापी विद्यालयस्तरीय राष्ट्रपति रनिङ शिल्ड खेलकुद प्रतियोगिताको नतिजा
त्यस्तै प्रतियोगिताअन्तर्गत भलिबल खेल छात्रतर्फ सैनिक आवासीय महाविद्यालय प्रथम, श्री पद्म मावि द्वितीय र बागीश्वरी मावि तृतीय हुन सफल भए । सोही खेलको छात्रातर्फ सैनिक आवासीय महाविद्यालय प्रथम, बासु मावि द्वितीय र बागीश्वरी मावि तृतीय हुन सफल भएका छन् ।
त्यस्तै कबड्डी खेलको छात्रतर्फ ख्वप मावि प्रथम, मिनर्वा स्कूल द्वितीय, बागीश्वरी मावि र पारागन इ. स्कूल तृतीय हुन सफल भएका छन् । कबड्डी छात्रातर्फ साइनिङ स्कूल प्रथम, पारागण इ. स्कूल द्वितीय, बागीश्वरी र ख्वप मावि तृतीय हुन सफल भएका छन् ।
सितेरियो कराँते प्रतियोगितामा बागीश्वरी मावि प्रथम, ख्वप मावि द्वितीय र जेन्यून इ. स्कूल तृतीय हुन सफल भएका छन् । तेक्वान्डो खेलमा सैनिक आवासीय महाविद्यालय प्रथम, बागीश्वरी मावि द्वितीय र श्री पद्म मावि तृतीय हुन सफल भएका छन् । एथ्लेटिक्स खेलतर्फ सैनिक आवासीय महाविद्यालय प्रथम, जेसिस इ. स्कूल द्वितीय र बागीश्वरी मावि तृतीय हुन सफल भएका छन् ।
उसु खेलमा मेधा मावि प्रथम, बासु मावि द्वितीय र बाल विकास सेकेन्डरी स्कूल तृतीय हुन सफल भएका छन् ।
राष्ट्रपति रनिङ शिल्ड खेलकुद प्रतियोगिताका उत्कृष्ट खेलाडी
त्यस्तै राष्ट्रपति रनिङ शिल्ड खेलकुद प्रतियोगितामा भलिबल खेलमा सैनिक महाविद्यालयका छात्रा सृष्टि कार्की र छात्रातर्फ सैनिक आ.वि. कै प्रज्ज्वल भण्डारी उत्कृष्ट खेलाडी बन्न सफल भएका छन् ।
एथ्लेटिक्सको छात्रातर्फ जेसिस स्कूलका जेसिका दुवाल, छात्रतर्फ सैनिक महाविद्यालयका सुदिप केसी उत्कृष्ट खेलाडी बन्न सफल भएका छन् । कबड्डी छात्रातर्फ साइनिङ स्कूलका रेजिना मगर र छात्रतर्फ ख्वप माविका सुमन प्रजापति उत्कृष्ट खेलाडी बन्न सफल भएका छन् ।
तेक्वान्डो छात्रातर्फ सैनिक स्कूलका स्मृति गुरुङ र छात्रतर्फ बागीश्वरी माविका नविन सेन्चुरी उत्कृष्ट खेलाडी बन्न सफल भएका छन् । सितेरियो कराँते छात्रातर्फ शारदा माविका करुणा तामाङ र छात्रतर्फ माउन्ट भ्याली स्कूलका विकल चवाल उत्कृष्ट खेलाडी बन्न सफल भएका छन् । उसु खेलको छात्रातर्फ सैनिक आवासीय महाविद्यालयका सिल्भिया प्रजापति र छात्रतर्फ मेधा माविका रोशन बि.क उत्कृष्ट खेलाडी बन्न सफल भएका छन् ।