न्यूज अपडेट
भक्तपुर, १० जेठ
बाग्मती प्रदेशसभाका सदस्य सुरेन्द्रराज गोसाईले सोमबार वागीश्वरी कलेजको निर्माणाधीन भवनको अवलोकन गरेको छ ।
उक्त भवन निर्माण कार्य भक्तपुर नगरपालिकाको आ.व. २०७८/७९ को लागि बाग्मती प्रदेश सरकार, माननीय प्रदेशसभा सदस्य श्री सुरेन्द्रराज गोसाईंज्यूको ‘प्रदेश पूर्वाधार किवास साझेदारी कार्यक्रम–२०७८’ अन्तर्गतको शिक्षा बजेट शीर्षकबाट व्यहोर्ने गरी लगत इस्टिमेट रु. ४९ लाख ३० हजार रुपैयाबाट भइरहेको छ ।
निर्माण कार्यबाट सन्तुष्ट व्यक्त गर्दै उनले निर्माणाधीन भवनको गुणस्तरमा कुनै पनि कन्जुस्याई नगर्न सुझाए ।
भवन निर्माण उपभोक्ता समितिका ज्ञानसागर प्रजापतिले हालसम्म भएको खर्च तथा प्रगति विवरणबारे जानकारी दिए भने कलेजका प्राचार्य धनकुमार श्रेष्ठले कलेजको शैक्षिक र भौतिक प्रगतिबारे जानकारी दिए ।
