न्यूज अपडेट संवाददाता
काठमाडाैं, १३ फागुन
मिलिनियम च्यालेन्ज कम्प्याक्ट(एमसीसी) विरूद्ध नेपाल मजदुर किसान पार्टीले शुक्रबार पनि बानेश्वरमा संसद घेराउ गरेकाे छ । काेटेश्वरबाट शुरू भएकाे जुलुस बानेश्वरस्थित सभामा परिणत भएकाे थियाे ।
जनताकाे आन्दोलनले मात्र एमसीसी खारेज गर्ने भएकाले जनता उठ्नु आवश्यक रहेकाे नेपाल मजदुर किसान पार्टीका सचिव एवं संघीय सांसद प्रेम सुवालले बताए । उनले भारतीय विस्तारवाद र अमेरिकी साम्राज्यबादका दलालहरूलाइ देशबाट पचासाफ गर्नुपर्ने बताए । उनले जनता सर्वशक्तिमान रहेकाे जनताकाे अगाडि नेताहरू झुक्नुपर्ने बताए ।
नेमकिपाका केन्द्रीय सदस्य एवं वागमती प्रदेश सभासद सुरेन्द्रराज गाेसाइले काे मित्र, काे शत्रु, काे बामपन्थी, काे दक्षिणपन्थी, काे देशभक्ति, काे देशधाटी, काे स्वाभिमानी नेपाली, काे अवसरबादी ? स्पष्ट पार्दै नेपाल मजदुर किसान पार्टी कुनै पनि देशघाटी, अवसरवादी, दक्षिणपन्थी, अवसरबादीसँग नझुकिने बताए । एमसीसी यसै आन्दोलनकाे उपज भएकाे उनकाे ठम्याइ छ ।
अर्का केन्द्रीय सदस्य उकेश कवां, अनुराधा थापामगर, विद्यार्थी नेता हृदय दाहाललगायतले एमसीसी राष्ट्रघाटी भएकाले तुरून्तै खारेज गर्नुपर्ने बताए ।
शुक्रबारकाे संसद स्थगित गरी फागुन १५ गते दिनकाे १ बजे बाेलाइएकाे छ । साे दिनमा पनि एमसीसी विरूद्ध आन्दोलनमा सहभागी हुन तमाम देशभक्त नेपालीमा पार्टीले आह्वान गरेकाे छ ।
